A-nî khiā tī chhân-kau-á piⁿ, ba̍k-chiu ùi hn̄g-hn̄g Chháu-soaⁿ hit pêng koh kòe, Tāi-tūn-soaⁿ siōng koân ê thiⁿ-téng khòaⁿ, ba̍k-chiu bui-bui, m̄ chai sī teh khòaⁿ he chhèng-koân, pe̍h-siak-siak ê hun-ang? A̍h-sī kan-na teh hiáng-siū, hong ùi i sin-khu chhēng ê hit niá po̍h-po̍h bô ńg, koh pòaⁿ thàng-kng ê kah-á hiù--kòe, hō͘ góa m̄ káⁿ tùi-tùi ka khòaⁿ, kiăⁿ bô gî-gō͘ ē khòaⁿ tio̍h siáⁿ-mih sîn-pì ê bí-kéng...1 ê gōng-sîn, náu chhiong-huih, góa poa̍h lo̍h-khì chhân-kau-á chúi--nih...