第一堂，唱「七字調」，第二堂，唱「送蓮花」，來到第三堂課，我們要來學習「狀元樓」，這才真正稱得上是耳熟能詳，至少歌詞能唱上兩句，「阮就是可愛的女紅妝，生做是古錐閣淡薄仔俗」。哈哈！同學們光聽音樂就笑容滿面！
第三堂課有新進展，「彰化之歌」劇本確定：
歌仔戲 彰化之歌 劇本二姊：大兄大姐！逐家隨我來呀!
眾人唱（曲調：送蓮花）1:50
美麗景色彰化城
文化古都真出名
磺溪半線免探聽
大佛坐鎮(有名聲)
市井古蹟在眼前
蝴蝶飛來是好緣
王梨豐收好吉兆
逐家前程(光明耀)
二姊：阿姊，咱欲去哪裡？
大姊：咱先來去後花園看花，才順紲來去踅街
三妹：阿姊！這馬有啥物花?
大姊：誠濟喔！櫻花正著時
小妹：足媠矣！足媠矣！哪會遮爾仔媠!
（大家一句來，一句去咧開講）
眾人唱 (曲調：七字調) 1:00
佛祖坐踮八卦山、
定寨望洋海無岸、
肉丸一碗過一碗、
遊客（一攤閣一攤）
二姊：喔！我腹肚足枵矣
三妹：你喔！干焦知影食、食、食
小妹：啊！彼爿有咧賣肉圓啦
二姊：咱來去食啦！我行袂振動矣啦！
大姊：好好！逐家來去
眾人唱（曲調：狀元樓）1:40
咱講古都彰化城
前輩傳下好名聲
地曠人賢人打拼
美味芬芳真出名
阮就是可愛的女紅妝
生做是古錐閣淡薄啊俗
希望你歡喜閣快樂
祝福你平安又健康
