今日仍然好唔開心，一早7點就起身，8點返新公司做野，做到11點去送外賣，送到2點就返舊公司度繼續搬倉，18點返出黎再去送外賣，20點就去交收，咁就到20：45。。。
今朝我阿媽叫我今晚返去食飯，我8點交收完就打比佢，竟然同我講冇野食，叫我自己出去食。。。好彩打比佢問下，唔係返去真係蕉都冇得我食😒
今日唔知發生咩事，我送外賣既時候一路行啲眼淚一路衝出黎，點都忍唔到，我真係好掛住妳，我形容唔到幾掛住妳果個感覺，我覺得講出黎已經表達唔到，好想抱住妳，攬住妳，繾綣相思心欲焚真係好貼近我既感覺，一刻都唔想比妳離開我。。。但妳確實離我好遠，我接受唔到妳真係要離開我。。。
我去過好多地方，全部都諗起妳，食野會諗想留返同妳一齊，去街想留返同妳一齊，做咩都想同妳一齊，我覺得我再留係香港真係搞唔掂，我以為唔比自己有空閒時間就唔會諗妳咁多，原來唔係，我連開工個腦都係諗住妳，如果我真係冇左妳，我寧願一個人孤寂咁活下去就算，個年期係一世。
諗起李老師今日同我講話我好乖，好善良，好勤力，其實我心係好開心，李老師係我小學二年班既中文老師，係我留班時冇放棄我既其中一個老師，而家佢已經80幾歲，佢話覺得我本性係好乖好孝順，所以佢話唔會放棄我，李老師，可以做到你既學生我覺得好幸運，多謝你對我咁好，多謝你冇放棄當時既我。
其實仲有好多野想講，但留返下一篇先啦，我唔會自暴自棄，我會努力做李老師口中既善良，乖同勤力果個我。
