中國製造

究竟係邊個好朋友話畀我知而家中國嘢好先進好發達？

我爭啲畀呢個中國製造嘅插蘇燒咗我間屋😒。。。

事源係咁嘅：上個星期四日本紅日，我諗住出去跳蝨市場嗰度睇下環境，我就將個充電器放落呢個插蘇度叉滿佢，喺叉電嘅期間我落咗街買嘢同食晏晝，兩個鐘頭後我返屋企，一打開門我就聞到一陣𤓓味，雖然得好少，嗰陣時我仲喺度諗點解會有𤓓味吹入嚟，然後我行入房諗住拎返個充電器出嚟，我發現個充電器一啲電都冇充到，我開頭以為舊電壞咗，再睇下以為條線壞咗，結果畀我見到個插蘇溶咗。。。我直到今日都仲聞到個插蘇有陣𤓓味。。。

我慶幸嘅係呢個插蘇冇燒咗我間屋，佢單純只係自己溶咗同壞左，跟住第二日我就拿拿聲去買過一個新嘅，我只可以講。。。到今時今日嘅中國真係除咗炸彈唔識爆炸之外其他嘢都會識自己爆炸🫠

當然啦，大家依然係會用國產嘢嘅我都唔係要特別批評，因為我都會用，只係分享一下最近發生過嘅嘢。

分享完畢。