EZVIZ智能防盜眼DP1，同時係手機防盜眼

傳統防盜眼(peephole)，中文真係有啲尷尬，直譯做偷窺眼。屋企門口木門通常會有一眼，有人按鐘嘅時候，你就會伸個頭埋去“偷窺”睇下來訪者係乜水。其實，你有無覺得呢舊野好老套？（又睇得唔清楚）




而且，傳統防盜眼好容易拆，用柑（或繩）就可以由室外拆走，再用相應工具伸入防盜眼個洞就可以開門。以上當然喺匪徒所為，youtube可以搵到小偷用防盜眼開門嘅片段。此外亦有一種叫反防盜眼嘅裝置，佢用咗同防盜眼正好相反嘅光學結構，套在防盜眼上，就可以將室內情況睇得一清二楚。（可以google “reverse peephole”研究下) 本來聲稱喺執法人員裝備，但其實任何人都可以輕易買到。傳統防盜眼本身喺一個漏洞，配唔起防盜二字，所以先要裝鐵閘，等外人無法直接接觸隻眼。



720p 攝錄鏡頭外型美觀前衛
榮獲CES 2018創新獎
隨著科技進步，有人意識到傳統防盜措施不夠安全，所以近年智能防盜產品越出越多，不過就只有EZVIZ嘅智能防盜眼DP1成功奪得CES 2018創新大獎。佢可以取代傳統防盜眼，提高家居安全性。智能眼沒有被反窺視的可能性，亦不會被柑子拔掉。裝在門外嘅防盜眼，原理就似一個IP CAM，一隻有齊攝像頭，門鐘，紅外燈，人體感應器四個裝置。門鐘內藏藍色提示燈，當感應到人嘅時候就會亮起，提醒來訪者按門鐘，這設計很前衛。裝在室內嘅4.3寸led顯示屏，雖然有touch screen，但品質相較時下新款手機會略顯遜色，但不會影響使用，畢竟你要一個高端屏幕貼在門上，除了增加成本其實沒有實際作用。



4.3寸觸感屏幕大小恰到好處
連接手機，方便實用
安裝方面就不多作介紹了，簡單講就係將傳統防盜眼拿走，再裝上智能眼，如果木門本身沒有裝防盜眼，咁就需要自己DIY鑽洞。4.3寸屏幕亦係智能防盜眼嘅主機，所有設置如門鐘聲音都可以在屏幕上做到。其他功能如調節人體感應敏感度等。既然是智能，當然可以連接手機APP！EZVIZ智能防盜眼最大賣點，就喺手機APP，Download後只要掃一下產品QR Code就可以完成安裝。注意智能防盜眼需要行Wi-Fi，網絡速度對產品使用體驗會有影響。因為有手機APP，你不在家嘅時候，可以用手機代替4.3寸屏幕，可以第一時間睇見按門鐘的人，或透過手機睇門外情況，進行遠距離控制拍攝、錄影，或打開對話功能，用防盜眼上的speaker/mic與來訪者對話。一隻智能防盜眼必備嘅功能，基本上都有齊了。而且DP1外觀漂亮，操作方便，相比其他品牌，價格亦有絕對優勢。不過錄影功能需要自備SD卡。然而，錄影的話，或許IP CAM更加可靠，可以考慮EZVIZ嘅戶外專用C3A。
智能攝影機C3A、C6T




戶外專用C3A



室內專用波形C6T

一次過介紹兩隻IP CAM比大家啦。分別係戶外專用，防水嘅C3A，用原廠特別設計嘅鋰電池，插條USB線就可以充電。機身比較細，唔會容易被發現。但因為係一定要用無線，所以網絡速度會對監視功能嘅表現有影響，建議安裝時唔好離個modem太遠。另一隻波形C6T係室內專用，鏡頭可以340度轉，一隻覆蓋整個大廳。佢有一個可以控制鏡頭設定嘅遙控器，能夠切換在家、外出同睡眠模式。其實如果你有裝EZVIZ手機APP，就可以直接用手機做所有設定，會比較方便。C3A一樣可以用手機APP做設定，呢個正正係EZVIZ最大特色。C6T有智能追蹤功能，鏡頭感應器會自己追蹤移動物，例如外出時想監察屋企養嘅竉物，就可以用追蹤功能。鏡頭會隨時捕捉住狗仔或者貓仔嘅一舉一動。C3A同C6T個鏡頭都有紅外線夜視功能，就算天黑都可以睇得清楚。C6T亦有個私隱模式，開咗就會乜都睇唔倒。可能係為咗某啲特殊情況而設嘅功能？兩隻CAM嘅賣點都係高清1080P＋手機APP完全控制，安裝簡單，十分鐘內就SET好。C6T可以行wi-fi或LAN線，但因為喺室內專用，一定要插住火牛。


EZVIZ手機APP介面

＊本文介紹之產品內容，或許會隨著生產商更新或升級產品的軟件後，出現過時的可能性，敬請注意。本文章的撰寫日期為2019年3月8日。

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。關键字： 裝修佬; 裝修; EZVIZ; 智能防盜眼;裝修案例;裝修公司推薦; 全屋裝修價錢2020