Riverside ecological circular walkway.Seoul@貫穿城市嘅綠洲

今日帶大家去一個比較冷門而又特別嘅首爾景點，嚴格嚟講係一個流動嘅景點： Riverside ecological circular walkway首爾河岸生態環形步道。

Han河流由東到西將首爾市界開，由十幾條橋連結起兩岸。我今次行嘅係一條沿著Han河流支流建造嘅生態環形步道，起點係Yangpyeong-dong 양평동。由於時間關係，我只係行咗一小段，喺Dorimcheon도림천左轉入去枝流，終點喺Sindorim신도림。

沿著首爾河岸生態環形步道嘅起點，你會發現個地方實在好吸引！佢係喺首爾嘅中心位置，好似個靚麗嘅自然綠洲，你可以喺度遠離城市嘅喧囂，盡情享受大自然嘅美好。

行經呢條步道，你會發現佢嘅生態環境非常豐富。步道旁邊嘅河流俾咗當地嘅鳥類同水生生物一個豐富嘅棲息地。你可以見到小鳥喺樹枝間跳躍，魚兒喺清澈嘅水中遊動。而且步道兩旁嘅植物種類亦好多元化，有綠油油嘅草地同高聳嘅樹木，每種植物都有佢獨特嘅美。

步道嘅一邊亦有一啲文化景點，可以讓你更深入咁了解首爾嘅歷史同文化。你可以見到古老嘅橋樑，佢哋見證咗首爾嘅發展。而喺步道附近嘅公園入面，你亦可以欣賞到一啲藝術品同雕塑，展現咗韓國傳統同現代文化嘅結合。

步道嘅沿途都設有舒適嘅休息區，主要都係連結南北兩岸各條橋嘅橋底。你會見到唔少單車友喺度休息，當中有唔少設施俾遊客休息同放鬆。你可以坐喺長櫈度，欣賞住河水嘅流動同感受微風吹過嘅清涼感覺。步道附近亦有一啲小攤販，可以品嚐當地嘅美食同飲品，讓你品味首爾特色嘅美食。

最特別嘅係見到Omokgyo오목교橋底有好多長者聚集喺度玩槌球。

據聞夜晚嘅時候，步道上嘅燈光璀璨奪目。佢哋用心設計嘅照明系統令整個步道夜晚都有唔同嘅風景同氛圍。你可以見到唔少兩旁嘅街坊居民落嚟沿著步道運動，欣賞璀璨嘅河畔夜景，感受到首爾浪漫嘅一面。

沿著首爾河岸生態環形步道行，你會發現喺每一個出入口都會有一部吹風機，讓途人由市區入去步道時，用氣體噴走身上同埋鞋襪嘅灰塵，令道行減少污染。唔怪之得我見到有居民會赤腳步行。

另外，你會見到成條首爾河岸生態環形步道有唔少健身設備。

仲有就係，成條首爾河岸生態環形步道有唔少廁所，都幾貼心。我見有啲老人家坐喺廁所附件嘅長凳吹水，難得自在。

除咗老人家，年青人亦會用首爾河岸生態環形步道入面嘅足球場同埋籃球場。

整條首爾河岸生態環形步道有三條通道，分別係樹蔭行人路、陽光行人路同埋單車路，沿著Han河流兩岸都係如出一轍。

如果你有時間，不妨抽半日去走訪呢條首爾河岸生態環形步道Riverside ecological circular walkway，相信你會對首爾人民嘅生活有多一份了解。

請支持我：

買件T-shirt👉https://storeAN.redbubble.com

買杯咖啡👉https://ko-fi.com/lawan

睇個video👉https://www.youtube.com/channel/UCf3bmlDtj4yDQqFxzcOZVyw