我把車貸電話變推廣台語-第2集
（某天下午接到電話...）
車貸：喂，你好！我們這裡是 TOXXTA 汽車中心，目前我們有針對各品牌的車主提供貸款優惠方案...
阿東：啥物？歹勢，請問你敢會使講台語？
車貸：呵呵呵，我台語...袂曉...不太...輾轉耶哈哈哈。
阿東：按呢喔，按呢可能就無法度矣喔～
車貸：大哥，你是幾年次的啊？
阿東：我 85 的。
車貸：85 年次的怎麼可能會聽不懂國語啊？
阿東：啊我就較慣習講台語啊！
車貸：你真的台語好...好輾轉喔～
阿東：因為我佇厝裡平常時仔就是攏講台語啊。
車貸：這樣啊，大哥你是哪裡人啊？
阿東：我蹛台南，台南人。
車貸：啊我是台中人。
阿東：台中嘛是有真濟講台語的人啊，定定練習講，就會進步啊！
車貸：要怎麼練習啊...
阿東：你會使試看覓去買物件的時，就用台語講，捷講喙就會順矣！
車貸：我台語的好爛喔，你要教我嗎～～～
阿東：呃...會使啊！若是你有需要，會使共你教...（正在猶豫要不要報粉專）
車貸：好啊。那...那...啊你害我忘記...我現在要講什麼啊....
阿東：...
車貸：好，那我待會會傳簡訊給你，裡面...是我們的...貸款優惠，然後，教學的話我們可以再連絡看看...
阿東：喔，好。著--ah，你嘛會使看電視14台，有公視台語台！
車貸：喔喔喔！但是我沒在看電視耶。
阿東：啊 Youtube 嘛有公視台語台啊！
車貸：我 Youtube 有訂閱蔡阿嘎！
阿東：呃...蔡...阿嘎喔，毋過伊這馬較少咧翕台語影片矣呢，而且伊寫的台語的字較無適當，可能無適合你初學者提來學。
車貸：ha̋nn，是喔！好，那這樣我再來看看公視台語台。
車貸：那這樣我待會會傳貸款簡訊給大哥喔，謝謝，拜拜～
【我的感想】
和我對話--ê，是一个聽起來差不多是30歲的查某囡仔，拄開始聽著我要求台語對話的時，雖然伊淡薄仔緊張、毋知欲按怎，不過，上無，伊毋是用幾句話就想欲共我準過、掛電話，顛倒是繼續和我講落去，讚喔！👍
講甲尾仔，伊敢若險險仔袂記得伊的車貸推銷 SOP 矣🤣。過程中，雖然大部分伊是用華語咧回應，毋過有感受著伊是有淡薄仔想欲學台語--ê，只是可能毋知方法、資源，嘛有可能是一種對環境的驚惶（佇生活講無輾轉的台語，驚予人笑）。 毋過，至少佇這通三分鐘的電話，伊有得著幾項資訊：
- 講台語無咧分年齡的，27歲的少年家嘛咧講台語！
- 想欲台語會輾轉，就現此時開始開喙講台語，捷講喙就順！
- 有電視14台的公視台語台通好看、通好學，台語台嘛有 YT 頻道！
- 蔡阿嘎的影片凡勢會使看，毋過對台語/台文初學者的幫助無蓋大。
- ke 學會曉一項語言，有可能會增加你的貸款推銷的業績喔(?
#招逐家來做台語小燈塔 #台語Wifi
請各位如果心有餘力，可以多用母語回覆這些電話，也許有機會引導、鼓勵到這些人們，也許默默發揮你自己的影響力！也請擔任貸款、信用卡、理財、詐騙等推銷客服人員，要開始學著用自己母語/本土語言，也許能拓展更多的客源 (?
話說，那個簡訊呢？我還在等簡訊，想說我可以回傳我的粉專和台語學習資源給你耶。
