仲未入正題係，啲樓跌夠未？

呢篇係上一篇的續篇，未睇既可以睇返先：

https://vocus.cc/article/666baf84fd897800016d0e67

而家就開始講，一套比較少人用本地化左的週期理論，講呢套野原因有兩個，一來係，用來估個巿見底未囉。二來係，網上既文字，係會流失既，有啲網站話執粒就執粒，好多早期Blog都無左，所以，有用既野，係要整理一下保存下來。

個故事要講返去十五六年前，08金融風暴前無耐，香港的樓巿，由沙士底部走出行完一個小升浪，07年樓巿成交去到一個高度，用台灣的說法，係咪叫「小陽春」？而當時好多人都唔太信樓巿已經全面復甦。

當時在香港討論區的樓巿版，有個現在睇返係神級的高手前輩absolutelytrue，尊敬佢老人家的後輩叫佢做「真Sir」，發表左一套當時可以話「震驚幾十萬淡友的睇好理論」，名為《三十年樓巿起跌的幾個經驗》，由於當時睇淡仍然係主流看法，所以一眾淡友向呢個主題下罵聲不斷，而真Sir同佢的支持者又語不驚人死不休的姿態不斷開新Post，所以如果去考古文獻，會見到《三十年樓巿起跌的幾個經驗》七同八之類，而版主Admin本身就大淡友，後來就封左呢位真Sir個Account，而早期的文章已經散佚再搵唔返，有興趣讀者可以下面的Link入去望下少少。

呢度我將佢套野原文貼返向度作為紀錄，亦都會用返佢當時的Forecase去睇返啱啱結束左的大牛巿，同埋用返呢個週期理論去睇下來緊會點行。

～未完，待續～