天淡薄仔貓霧殕 ê 10 點半，一个跤球場大 ê 停車場齊是人聲交複雜卻芳甲 hōo 我雙跤倒火箭想 bueh 一步飛到芳味 ê 來源。

來葡萄牙第三斗，這是我第一斗搪著若家鄉 ê 氣味。

蒜頭家己種，按呢一袋 2.5€，uī-tio̍h hōo gún 翁有才調以西班牙語理解葡萄牙語翻譯 hōo 我聽，頭家以若78轉 ê 速度交比跤劃手 hōo 我共同理解。

德國按西班牙來幼秀甲交排球無宛 2 體芳瓜排媠媠一公斤1.99€，，遮 ê 芳瓜自在跟綴主人方式䖙 tī 若鐵牛車後斗，一公斤 0.88€。

「這會使囥，m̄-koh 一敨愛緊食，著 m̄ 著？」愛甲芳瓜 ê 翁見著交籃球無宛 2 體 ê 芳瓜，喙瀾 m̄-nā 按喙流，規魂舒齊流枵饞瀾，可惜瀾流到大西洋 mā 無較縒，起因 gún-ê 露營冰箱無地囥。

七冬前 m̄ 捌見過 ê 露天市場，七冬後 ê 這久交伊相拄搪，伊無市內市場豐沛 ê 選擇卻有上熱鬧 ê 人聲、雞啼聲交比 Expresso 閣較厚 ê人情味。

阿媽手路 ê 香腸一擔試食過一擔，臭甲 hōo 我徛遠遠 ê Tshì-sù hōo gún 翁若試食若款。

交台灣一模模一樣樣 ê 菠薐仔一把 2.5€，德國罕得見 ê 羊角豆大細交美國相仝，我若看思念 ê 菜蔬，若交 in 再見，因為明仔載 bueh 離開，鮮沢菜蔬無適合因為數念 hōo 伊杜猴損五穀。

甜路、糋路一擔一擔食，前幾日捎無摠 ê Take away 總算有人出入，我順人聲交熟似 ê 氣味行入若鹿港狹巷仔 ê 厝宅揣答案。

無閒 tshih-tshih ê 頭家，擔頭一句 Bom Dia 請我行入灶跤兜詳細看菜色 tsiah 決定點菜。

我 kā 向時交巴西同事學來 ê Muito Obrigada 向逐家講，有 ê 目睭笑甲眯起來，有 ê 講 de Nade。

恬靜一个人徛交頭家頭家娘無甲十步 ê 距離，Tshì-sù 款甲喙裂獅獅 ê 翁總算行跤到，以大約仔巡菜單，押尾一句我 kan-ta 捌烘雞，無閒烘肉 ê 頭家聽著 Frango 隨紹介菜色 hōo 翁聽，向時秘魯同學講西葡兩語有 70% ē 通，真正實踐發現確實是按呢，不而過猶是有走精 ê 時陣。因為 tsuē-tsuē 菜色 gún 翁捎無半摠，除了豬耳。

「呔討你聽有豬耳」我反白睚問。

「因為伊交西語 ê Orelha 講法 bueh 相仝」伊一面無我 ê 西班牙語這久 ê 你 kan-ta 通食烘雞。

德國人多數 m̄ 食下水、腹內，四常肉砧賣 ê 燒食 m̄ 是香腸就是燉牛肉燉 ê 白汫無素，m̄-koh 食了保證圓棍棍閣輾輾，若阿媽飼--ê。

真久無食豬耳，點一份來食，自十外冬前第一斗交 gún 來 Faro 曝日頭，葡萄牙 ê 味素 hōo 我想著亞洲各種氣味，這斗食著一人豬耳，伊 hōo 我想著阿母煮甲軟 khiū 透厚厚芫荽蒜頭 ê 生拌豬耳。

「這是我家鄕 ê 味素，只不過伊交我相仝入人門，順人意，香油改做橄欖油，猶原好味好素甲，我無才調留一喙 hōo 你食。

葡萄牙 ê 經濟凡勢無德國 ê 媠面，總是經濟愛偌好人生 tsiah 有才調過甲有色緻，這真個人想法。我無蹛葡萄牙 tuì 當地人文無一个真深 ê 理解，總是一个角勢有才調 hōo 人一直想 bueh 轉來交伊見面絕對有伊 hōo 人冗甲連時間你攏嫌過甲傷慢 ê 輕鬆交自在。