德文 ê Hirten, Schäfer/in 英文 ê Shepherd，華文 ê 牧羊人 tī 台語除了 Bo̍k-iûnn-jîn、飼羊人（Tshì-iûnn-lâng）掠外敢有別 ê 選項？起因德國有一个 Hirtenkäse 華文直翻號做「牧羊人起司」，伊是希臘 Feta ê 親情，Feta 按山羊奶來，Hirtenkäse 按牛奶來。

2024 tī 劉盈成老師翻譯 ê《都柏林人》〈相照影〉讀著顧羊人 Kòo-iûnn-jîn，我真佮意，準做牧羊人 ê「牧 mā 有飼精牲、顧牛 ê 人，像牧羊，牧童；周朝管理牧場 ê 官員，人講「牧師」；近代咱講牧師，講的是基督新教的傳教士，意思是牧者嘛是老師。」（2022.3.21.台視台語新聞逐工一字「牧」（bo̍k）），我較佮意顧羊人這个辭，起因顧羊人 tī 德國 mā 是實習項目。所致，𤆬羊仔群揣草埔 ê 人無一定是飼精牲 ê 人，飼精牲 ê 人 mā 無一定是牧者抑是老師。以「顧羊人」做 Hirten or Shepherd ê 對譯，我個人感覺較合軀。

按 Google 圖庫看來 ê 好味素。我愛食白鳳豆 mā 意愛 kā 伊做飯來食，特別是較無美國時間 ê 早起頓。德國豬綴前綴後 ê 彼日我總算 tī Marktkauf bué 著一段時間 m̄ 捌相見 ê 白鳳豆，就隨請 Google 大神賜我智慧。德文大神賜我齊是敆 Kam-má-tooh ê 食法， 現此時 ê 我佮意虹碗食法，就換英文大神，英文交德文齊是羅馬字 ê 雙生仔，所致無啥無相𫝛 hōo 我準備放棄 kā 伊徙來做下昏飯敆湯煮(Eintopf)，總是人生宛然阿甘正傳 Life was like a box of chocolates. You never know what you're gonna get. 一張有虹碗風格 ê 攝相按我眼前閃過，我緊𫝻轉去交伊相借問，紲落來越頭 tuì 德文大神講，我知影按怎敆你 ê 主意矣。

早起頓：顧羊人 Tshì-sù 串仔白鳳豆

希臘 Feta ê 親情 Hirtenkäse 交白鳳豆牽手做龍鳳 hōo 囡仔時 tī 西班牙假做西班牙人 ê 柴頭翁繼續冇手投資伊 ê 好喙斗。