咱知影反射定律，知影折射定律，毋過遮个攏無講入來的光有偌濟會反射，偌濟會折射。筆者佇遮會用「一寡」數學運算，予讀者知古早的物理學家已經算出來矣，而且佇生活當中嘛有應用的產品。

光有偌濟反射偌濟折射？用電磁學算予你知

佇咱讀國中高中的時陣就學過折射佮色散。猶毋過你敢知影是按怎光佇介質內底咧行的速度會較慢？閣是按怎無仝色緻的光佇介質內底咧行的速度會無仝？佇遮我會用簡單的物理模型佮數學推導來開破遮个現象。

折射率的真相：光佇玻璃內底是按怎行較慢？

佇創世的源起頭，上帝講：「著有光」，就有光。這是聖經創世記內面所描述上蓋偉大充滿權能的畫面。若轉來看咱逐工的生活情境，有光，咱才看會著世間萬項物的媠佮䆀，嘛予咱看會著花草樹木豐富的色彩。古早人看著日頭光、月光、星光，除了對上帝造的世間萬項物深深敬畏，心內嘛咧思考：「光的本質到底是啥物？」