自己個人故仔，當然我都寫有投資值錢部分

睇股票報告新聞一樣，明文寫出來的一般重要，但我更留意沒有寫的資訊，留白，故意忽略的地方。而我這裏僅僅推薦李聲揚一位

我人生中有幾個Mentors，一個當然係我前鬼佬老細，另一位就係mentor (柏拉圖式)李聲揚, Ivan Li喇。

最重要部分講先。喺財丸市場應該得我咁樣做，向您推薦另一位同行。如果你覺得我寫極淺至深寫得太淺，我推薦你訂閱君子馬蘭頭 - Ivan Li 李聲揚嘅facebook page。李聲揚寫得比較進階，我係誠心推薦他的，如果你經濟能力和時間有限，你可以睇一睇Ivan's page 先然後再返嚟睇我都ok。當然最好就我同佢兩個page都一齊訂閱曬啦。

我入股票金融行業嗰陣時係冇底的，中學大學係完全冇讀過相關課程，機緣巧合下入咗一間hedge fund，job ads 寫有on the job training (即係 off the work learning, 唔識就自己搞掂佢，放工星期六日自己睇文件，溫習CFA，閱讀投資書籍)。咁我當時咩都唔係好識，咁就喺facebook度搵財經page follow, 睇報紙專欄學習。Ivan就係其中一個我經常睇的。

一幅山水畫重要嘅部分係留白。香港寫財經嘅人何其多，我淨係推薦Ivan一個當然是有原因的。利申返先，Ivan當然唔識我，得我識Ivan。我睇Ivan’s page都多年了。我沒有任何推薦收益的。

Ivan係sellside出身，而我就係buyside出來的。以前阿鬼佬老細問我近排有咩新Idea，睇下我有冇做功課。有時我偷懶，我直接將李聲揚page的資訊講出嚟。阿鬼佬就樹起隻拇指 “Interesting, good idea”。

最重要指標，就係當有其他財經演員推薦某隻股票, Long隻股票，而我哋對沖基金就係short緊佢，沽空緊。咁即係我老細間接地和財經演員對戰對賭。我當然食花生睇戲，睇市場表演。絕大部分時間下當然係我哋基金贏錢，幾個月後隻股票收皮消失，個財演當然冇咗件事，當什麼都沒有發生過，唔會再提。

李聲揚大部分時間和我老細基金經理睇法一致，最後賺錢贏錢。我當然繼續留心李聲揚的page，站在Ivan巨人肩膊上令我得益良多，經常有塞錢落袋的感覺。

睇股票報告新聞一樣，明文寫出來的一般重要，但我更留意沒有寫的資訊，留白，故意忽略的地方。而我這裏僅僅推薦李聲揚一位，咁其他人呢? 睇返上一段 ”最重要指標” 開始。

再講講由於我中學大學係冇讀過任何finance課程，我早期其實都將我大部分身家財產都存入曬銀行戶口，係零投資，零股票零投機。自從喺對沖基金工作和受到老細和Ivan的啟發，我先開始去學習投資，整返個股票portfolio。

Ivan影響咗我好多價值觀。創立呢個facebook page 都係有他的影響。橫店在公司提交財經分析報告，畀老細評估，不如在facebook，pareon分享股票研究，都係一樣搵錢。

我想我同李聲揚facebook page唯一相同嘅就係我哋都會維持一個比較高嘅透明度對比其他財經演員 (relative transparency, not absolute)。

結尾，希望Ivan早日身體康復，寫多啲好文章畀讀者，傳承理念。

最後如果Ivan見到依篇post，希望Ivan你幫我問問 新田飛地 page主人 點樣可以攞返 top fan’s badge。