大師.... 咩係加息? 加息有咩影響?
快答: 加息即係政府，銀行提高借錢利息。息口越高，供樓，供車，做生意借錢週轉越辛苦，因借錢成本越高。
相反地，你擺錢落銀行做定期就會賺到高利息。對股票市場就依情況而定。//
簡短長答:
我假設你都係問美國加息的問題，我亦用美國做例子。美國加息即係加“Federal Funds Rate”。
美國聯儲局其中一個委員會FOMC 根據目前預測通脹率去界定這個 Fed fund rate。Prime rate 和Libor 就會根據 新的 Fed fund rate 作出調節。
加息主要因素都係因為通脹。簡單講，通脹高，物價高因為市面太多金錢流動。 加息會令市面減少金錢流動，因為借錢要畀多啲利息，借錢成本高咗，少咗人借錢供樓，供車，做生意借錢週轉，少咗金錢出市場，控制通脹。
Milton Friedman: “Inflation is caused by too much money chasing after too few goods.”
息口高，美金貨幣匯率就會高。所以日元，歐羅匯率跌。點解? 例如因為美金息口高，人群就會買美金做定期，市面上流動美金減少，美金價值相對其他貨幣就會提高，即係美金會比其他嘢值錢咗 (其他貨幣價值跌)
香港因為聯繫匯率(Currency Peg)，香港會跟隨美國的加息政策，香港亦都會跟隨加息 (Hibor)，對香港有好有唔好，未來再講 (或者留返Patreon)。
咁加息對股票會點?
加息對股票市場根據不同情況有不同影響。
隨Post 附送我自己做 (強調) 的Excel 和圖表。 用過去 30 年SP500 美國標準普爾500指數 和 Fed fund rate 做例子。你可以見到股票市場和利息是沒有明顯的 statistically correlation and covariance (講英文型啲), 統計學上的相關性。
你會見到加息, 股票市場SP500 跌(e.g. 2018); 減息, SP500 升(2019 - 2021)。
但是你亦會看到加息, 股票市場SP500 反而升(2017); 減息, SP500 跌(2008)。
加減息其實對股票市場是沒有絕對的相連相關性的。大部分解釋都係事後解釋，事後 fit story，馬後炮。
加息令到公司營運成本上升，經濟收縮，公司倒閉，人們減少消費，所以公司股價向下插，減低股票估值。
政府加息亦可以因為經濟太好過熱，賺得太多錢，通脹過高，需要加息降溫。優質企業公司賺大錢，股價升。優質公司也有能力加價，張加息的成本轉給消費者，提高利錢, profit margin，股票升。 例如Apple, MS Office, 麥當勞年年加價。
橡樹派的睇法:
上兩年低息時代，股票市場雞犬皆升，合埋眼求其買都賺錢。現在加息，優質公司股票也可以繼續強者生存，重點係如何去選擇和發現優質公司股票，不可以亂買。
發夢燒錢公司股票則會下沉，甚至收皮 (粗口sorry)，例如ARKK 契媽嗰堆發夢股。
“如何選擇優質股票” 最值錢部分當然留返Patreon 說明。這個 post 含金量也不低吧。
至於橡樹派會不會猜估未來加息的幅度水平? 未來再講 (或者留返Patreon)。
橡樹派和大師學習，想法一致:
菲比斯 aka 巴菲特2020 : "It's the same thing as predicting what business is going to do, what the stock market is going to do. I can't do any of those things. But that doesn't mean I can't do well investing over time." (Buffett was explaining that he has no idea what interest rates will be in the future.)
加息和影響亦都和我Facebook第 1 集 “時間價值” 開始息息相關，你亦都睇到明白到一條公式e.g. (利息, ‘i’, interest rate 可以用 ‘r’ 表達為rate of return)，後面所有嘢萬變不離其宗。一步一步嚟，你就會知道得比其他人多，玩股票所有嘢更加有把握。
第 3 集 “賺錢錢效率” 小 sum up:
多謝你睇到呢度，睇得過癮請畀like，香港出面啲老師股票班收幾皮一個月都係講呢啲 (如果佢識講)，現在免費有得睇。
宏觀經濟學可以講好多集，主要涉及加息，匯率，通脹。一步步解答推論長文留返Patreon 解說。宏觀經濟學係冇特定時間講，因為一世人流流長一定會經歷幾個加息減息週期。
//
