出發前的感受
當英國移⺠局正式批咗簽證，就正式開始計劃⼯作假期的事情。⾸先，多謝女朋友⼀直的⽀持，冇佢一直比信⼼我嘅話，我會好迷惘地準備呢趁旅程。
另外，感謝家⼈嘗試明⽩我去⼯作假期的原因。雖然他們在我決定去⼯作假期的時候，都會有疑問，但係他們聽咗我嘅原因，我嘅解釋之後都願意去⽀持我。
最後，都想感謝在我出發前同我歡送和道別嘅⼈，佢哋全部都係我嘅好朋友。雖然⼤家⽣活上都各有各忙，但係好感恩佢哋喺我離開香港之前同我⼀⿑敘舊。
出發前的⼀星期，做左好多想喺香港做嘅事，例如完成咗同女朋友半年內⾏12次⼭嘅計劃，去睇⽇出以及出發前⼀晚上太平⼭，睇我好鍾意嘅夜景暫別香港。香港真係好靚!
出發前的準備
在出發前⼀個星期，正式執拾⾏李。我睇完網上嘅資料，就寫咗⼀個行李清單。首先，拎返擺咗屋企好耐冇⽤嘅29吋⾏李箱出嚟。
第⼀件驚險嘅事就發生了! 當我開始擺重嘅衫入⾏李後，就發現咗⾏李箱轆碎咗。心想大件事了，幸好女朋友都有⼀個後備嘅⾏李箱。呢個⾏李箱係佢以前讀大學時exchange⽤嘅。意味著呢個⾏李箱除左帶住我的夢想，亦都可以帶埋我女朋友嘅⽀持。
而⾏李帶了香港着開嘅冬季長袖衫，⼤褸，平時食開嘅平安藥，⽇⽤品等等。除此之外，英國嘅房應該冇電視，就買咗⼀個可以係房入⾯投射出嚟嘅投影機，同埋摺得埋旅⾏⽤嘅熱⽔煲。到時就可以睇電視，同係房煲水飲。
將所有東西放晒落⾏李箱，就覺得⼀定會超重，今次我搭嘅航空公司俾我嘅⾏李容量係23 kg，但係我拎起⾏李箱就覺得⼀定唔⽌呢個數量，所以有⼼理準備係會超重。
【天一光 請你帶上一起擁抱的暖】
出發當⽇，喺屋企食完飯之後就出發，去到機場嗰陣，就發現⾏李箱嘅轆都有少少異樣。嗰陣我覺得仲應付到，但去咗⾏李磅度磅⼀磅⾏李之後，發現超重咗五kg。家姐就建議係機場買一個新嘅行李箱，因為擔⼼⾏李箱會喺⾶機上俾⼈掉嚟掉，掉到爛咗。同埋，都擔⼼我到英國後嘅⾏程。所以就好狼狽咁即刻係機場買一個新的⾏李箱。
然後，在所有送我機嘅朋友⾯前，將啲嘢由舊⾏李箱放落新個度。真的多謝佢哋嘅幫⼿呀。丹尼四圍遊當然會有笑料啦，認識我的人一定會明白^^
出發前，應承咗女朋友佢哋嚟送機嗰時我唔會喊，擔⼼我喊佢整喊佢。我好叻呀，果日冇喊。多謝女朋友，帶咗即⽇即有相機嚟同我地影相，等我可以帶住即刻曬出黎的相出發。
當我正式入閘，望住佢哋同我歡送的時候。我真係想喊出嚟，不過忍住。
到埗當日
到埗後，安頓好落嚟，攞埋英國⾝份證(BRP)後，當然就做下遊客先啦!
第⼀⽇就去咗海德公園⾏吓，當⾏入去個感覺，都幾震撼。因為香港從來都冇⾏過如此大的公園，呢度可能同維多利亞公園相差10倍。
從北⾨⾏到南⾨期間，中間會經過一個池塘，池塘四周都係鴨同鴿。熟我嘅⼈都知道我好驚鴿。出發前都擔⼼英國係咪有好多鴿仔嘅？不過唔理啦，嚟到呢度要接受佢地啦。
然後就係公園打電話俾屋企⼈報平安，就正式覺得有時差嘅距離啦，每⼀次打電話都會諗吓香港⽽家幾多點，佢哋瞓咗未啦佢哋做緊啲咩啦。不過，呢⼀個都係要適應同埋學習嘅過程嚟嘅。
⾏完公園之後，沿路⾏到去⽩⾦漢宮。估唔到原來係咁近嘅，⽩⾦漢宮定時定候都會有⼠兵交接嘅儀式，當日就過左交接嘅時間，相信之後我會睇返架。
第⼆⽇都做咗⼀個平時遊客必做嘅嘢，去咗睇⼤笨鐘，倫敦塔。第⼀次⾒到⼤笨鐘，真都覺得幾震撼。相比之前去澳⾨倫敦⼈⾒到個⼤笨鐘嗰個差別真係好⼤。⾒到呢⼀啲地標，就有覺得我真係嚟到英國生活的感覺。
需要適應嘅地⽅
- 獨處的時光，今次自己出發去工作假期，無論租樓，起居飲食，或者娛樂，都係自己負責的。而最特別的地方係當我夜晚的時候，香港的朋友都訓晒教，變成真真正正獨處的時光。
- 時差，香港同倫敦就相差八個鐘，到埗後幾⽇個⼈都好攰咁，攰到下午想即刻瞓覺。去到第四五⽇，先開始慢慢適應時差同作息時間。
- 自煮自足，⽽家每一我都會去超市買嘢煮嚟食，例如，買麵包，粉麵，或者即食嘅嘢叮返熱。
- 昂貴的交通費，可能地鐵搭兩⾄三個站都要10幾蚊港紙，⽽可能甚⾄出到市區平平哋都要30蚊，但好彩呢度會有上限。如果每⽇搭超過100蚊港紙，佢就唔會再收費。
寫在搬到新屋後的一天
丹尼
