Su-liām ê sim（思念的心）

Tse sī siá lâi siàu-liām--lí ê, m̄-tsai lí kám ē khuànn--tio̍h？

Lán ê tāi-tsì í-king kuè tit beh 5 nî--ah！Ē kì-tit 5nî tsîng lán tō tshinn-tshiūnn pîng-iú kâng-khuànn huann-hí tàu-tīn, guá mā tin-sioh tsit hūn un-tsîng, siūnn--khí lí tuì guá ê tsiàu-kòo, tsóng--sī guá iōng tsin-sim teh kám-siā--lí, sui-bóng té-té 2 kò gue̍h niâ, lí tuì guá ê hó, guá íng-uán ē kì-tit.

Lî tsit ê sî-kan hiah nī kú ah, lán mā bô koh kìnn-bīn ah, m̄-tsai iánn lí kuè liáu hó--bô？kám koh ē kì-tit guá？ Guá thâu-khak lâi tiānn-tiānn phû tshut ū lí ê iánn, hit hun siàu-liām ê tsîng, it-tī khǹg teh guá ê sim ê siōng lâi-té, ǹg-bāng lí mā ê siūnn khì guá, tsin-sim kám-siā lí oo!

思念的心（Su-liām ê sim） 創作日期:20191010

Tse 是寫數念 -- 你 -- ê， m̄-tsai 你敢會看著?

咱 ê 代誌已經過tit beh 5 年 -- ah!會記得 5 年前咱就親像朋友 kâng-khuànn 歡喜鬥陣，我嘛珍惜這份恩情，想去你對我ê 照顧，總 -- 是我用真心teh 感謝 --lí，雖罔短短 2 kò 月爾，你對我 ê 好，我永遠會記得。

離這 ê 時間hiah-nī 久 ah，咱嘛無 koh 見面 ah，m̄-tsai iánn 你過了好 -- 無?敢koh 會記得我?我頭殼來 tiānn-tiānn phû 出有你ê 影，彼份數念ê 情，一直 khǹg teh 我 ê 心 ê 上內底，向望你嘛會想起我，真心感謝你喔!

原文連結網址:Su-liām ê sim（思念的心）