又想爆炸

點解公司啲人咁乞人憎，成日覺得得我知你唔知，又或者係，你以為我唔知你啲嘢其實我乜都知，知道大哂咩，知道後咪一樣咁醜樣無變靚到。點解班經理咁乞人憎咁勢利咁偏心，最終想鬧係自己點解鬥唔過人從來比人輕視。

老闆打比我問左啲資料我仲飄飄然，點知原來預告將會有warning email因我click入過pfishing email兩次，真係勁nor. 咁當然同事只聽到老闆打比我聽不到內容於是唔多like. 點知老闆email 比pat pat呢單嘢，pat pat 梗係冷笑，呢啲佢又唔會話教精我(可能佢覺得無乜嘢好教係我自己蠢啫，雖然都係😁)，佢係叫左另一個成日話自己唔八但成日第一個圍爐講是非嗰個去佢位吱吱浸講我。真係好嬲，但我會忍住唔會同爆谷或肥婆呻，始終自己衰左唔好比人知。