［性別講看覓］—跨性別４：跨了後，伊愛查埔抑是查某？

無論伊是佗一種情形？跨到佗位？伊愛查埔，抑是查某？愛問伊家己，有的人愛經過誠久的時間才揣會出來。

嘛有一寡人應付外人對伊跨的身分的問題，閣生活的代誌，就無閒𩑾𩑾，無彼个時間佮心情去想這件代誌。

有的人，佇伊改變性別進前鬥陣的伴侶，佇伊變更性別了後，嘛願意繼續做伙；嘛有人袂當接受無仝款的性別，就分手。