福岡第五天 別府休閑日

行程去到一半，由福岡北部博多轉到中部別府&由布院，因為唔想轉酒店，今次我選擇3天2夜住在別府酒店，然後搭車到由布院玩。

酒店後面有間食堂，佢既天婦羅丼$1500Yen, 另外最豐富的四季定食$3600Yen包括魚生，鍋物，1尾穴子天婦羅等，兩個定食都好好味，餐廳水準好高，好滿足的一餐，應該係全個行程最好味嘅Top 5。

食飽飽後去到別府有名景點7大地獄之一海地獄。海地獄介紹“充滿神秘的瓷藍色池水，看似清涼的海水實際上卻是98度高溫的溫泉。” 當天下午有驟雨，參觀完海地獄就回酒店浸溫泉。

海地獄內仲有一個赤池，湖水是紅色。有時間既朋友可以全7大地獄都去，相反海地獄已經足夠了。

意外發現海地獄內種有一遍繡球花，當然沒有明月院的繡球花多，但這裡也沒有很多人，想點影都可以。

當天晚餐刺生丼$2749Yen＋唐揚手羽$660Yen。白天別府好似無旅客，到了晚飯時間每一間店都是滿座，無預約情況下只能走入一間還有位食店，價錢比午餐那間天婦丼貴，但這間店的刺生質素新鮮，手羽也很好味。

別府AMANEK Hotel，房間大而新，頂層有個泳池和溫泉。

第五天完, 第六天行程待續……