Tâi-bûn khai-káng

3公開內容

「台文開講」是用全台語文來分享我ê生活大細項代誌kap看電影/冊ê感想，我會全部使用漢羅（台語漢字+台羅）來書寫，若有看無ê所在，會使直接copy，tah佇留話ê所在，我會用上緊ê速度來答覆你，多謝。

全部內容

免費與付費

　高士神社uì舊年開始，逐年五月攏會舉辦定例祭祀，新曆過年ê時mā有，m̄-koh逐家若是對這个神社有淡薄仔印象，可能是因為前立委蔡正元對神社重起ê消息不滿，佇伊ê面冊頂懸批評，引起媒體注意。　　佇這篇文章內底，我想beh分享予逐家ê是我佇5/4、5/5去kuskus參加定例祭祀ê記錄。

　　平常時除了做台語ê Line貼圖kap寫台語文以外，我khah主要ê工課應該是讀牌仔ê「工人」，佇一寡活動ê市仔排擔，無收錢替人解決一寡in心內ê憂愁，你問我按呢所費按佗來？其實若是你支持我ê想法，願意幫助koh khah濟人來予我服務，會當透過網路來贊助。

　　2014年3月ê時，你佇leh佗位？彼當陣ê你，敢有teh關心政治？敢知影除了總統kap市長以外ê政務官叫啥物名？彼當陣ê你，kap現此時當leh看文章ê你，敢有啥物無仝？頂懸這幾个問題，其實就是咱會當回答《咱ê青春，佇台灣》這塊紀錄片ê導演ê答案。