美國衰退大蕭條 雷曼2.0好驚驚 sp500 ytd 已經升超過7%
幅圖就不是最更新的，上星期初左右數據。上星期中至到尾 美市越升越有，恭喜各位牛牛。
細佬亦都好彩，夠膽 3月中 svb事件一早講咗絕對不是雷曼危機2.0，隨時入市好時機，真係中 !睇返幅圖，銀行股就真的屍橫遍野 (高息有利銀行 ?)，大家都估計到。更加意想不到的是，醫藥股 在疫情後 (仲有冇人講猴痘?) 今年表現麻麻。
疫苗公司 Moderna 跌超過 10%，Pfizer 超過 -20%。
但係大環境地看看，SP500 ytd 2023 直至星期5 升超過7% !
再仔細看，其實美股一直都是由幾隻股票，幾個行業就已經帶動整個大市。
所謂美國 500 最強企業，其中有差不多 300 間股價都是負數蝕錢，其餘 200 間股價才正數賺錢。
SP500 公司中位數表演是只有 -2.4%，一直都是幾隻領頭羊大幅帶領市場。
如圖，今年科技股回歸 (加息不利科技行業 ?)，科技不斷裁員，股價相反正面反應，真係如 facebook 朱西伯格所言，今年是 效率年度 Year of Efficiency ，提升效率減低成本，揸出利潤率 !
恭喜各位持有 tesla nvda meta apple 股票的人，堅持是有付出的。
最後再睇睇行業，疫情後，美國賭博股，旅遊股票都是股價良好。例如 wynn 升了超過 20%，聯合航空 郵輪皇家加勒比 United Airlines Royal Caribbean 都有雙位數增長，夫復何求?
Rikas//
