「循環扇」(Air Circulator)係近年一種新類型風扇，同傳統風扇有乜唔同？首先大家要知道循環扇唔係風扇，而係一種可以促進室內空氣對流循環嘅裝置，如果開著冷氣，循環扇就可以將冷風帶到家裡每個角落，變得更加涼快。
（圖：左＝傳統風扇／右＝循環扇）
趁夏天未到，消費者委員會（以下簡稱消委會）拿了市面上14款循環扇做測試，發現只有4款通過所有安全測試項目。以下係消委會發表嘅詳細測試報告內容（各評分以5分為最高分）：
測試結果：不同品牌差距較大送風量／能源效率測試中，所有樣本都有介乎每分鐘7.5至19.9立方米嘅送風量 ，差距接近62%。能源效率方面，各樣本每瓦特可產生每分鐘介乎 0.2 至 0.7 立方米嘅送風量， 能源效率最多相差約67%。
大家選購／使用循環扇時，請留意以下消委會提出嘅建議：
• 比較產品嘅能源效益同送風表現，建議選擇送風表現良好，但耗電量不高嘅循環扇，發揮促進室內空氣對流循環最大效率；• 移動或者清理循環扇之前，一定要先拔走插頭，確認沒有電源；• 小童不應該在無成人看管嘅情況下開動循環扇；• 注意小童會否誤觸風扇罩，或者將手指插入空隙，避免發生意外；• 循環扇配合冷氣機一同使用，可加大風扇嘅風速亦會增加涼快感覺；此時，可相應調高冷氣機嘅溫度，從而節省電力;• 睡覺時，請善用時間掣，當入睡後便能自動關機；• 出門之前或者唔需要使用時，記得要關上電源。
本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。關键字： 裝修佬; 裝修; 風扇; 循環扇;
