MISS U (換身)

我朋友某天忽然找我，說了個故事……（台灣朋友不好意思，他說的都是香港話，如果沒看懂，記得問我呀！）

話說，阿甲係好人，見到狗仔會笑，見到人開門會幫手，唔忍心見人受苦......blablabla......

阿乙好自我中心，凡事先顧自己感受，簡單直接形容就係自私自利。

甲同乙風馬牛不相及，純粹因為遇上一個女仔Miss U，先至間接互相知道彼此存在。

Miss U中意乙，已經拍緊拖，但乙不停傷害Miss U。甲係Miss U嘅守護神，但慢慢降格做咗隻兵。

（唔好駁話都知個結局一定係甲逆襲啦。睇埋落去先啦！）

終於，有一日，甲去咗搵乙，想阻止乙再傷害Miss U。但甲唔知道嘅係，乙都一直想搵出傳說中嘅甲到底係邊個。

甲乙相見，剛好十號風球之後嘅第一線陽光，偏偏兩人觸碰對方時企錯咗位，甲企晌陽光未照到嘅陰影中，乙企晌陽光照射處。本來冇乜嘢，老老土土講埋尐老土嘢，點知甲癡咗線咁，竟然衝上去郁手，一拳打去比佢壯健得多嘅乙身上。乙一向聽聞甲係好好仔，現今社會稱之為廢，點都估唔到會突然就出手，仲竟然畀佢打咗！但一向「潔身自愛」嘅佢擔心係甲設局裝佢，可能唔知咩人正在旁窺伺，於是忍住唔還手......就在一拳之後兩人對恃時，風雲再起，甲乙所企嘅位置同情況都調轉……佢哋嘅身體都互相調轉埋！！！

後來……甲如願成為Miss U男友，乙就好好奇甲點樣可以晌呢個世界生存，加上佢已玩厭準備同U分手，於是竟然同甲協議，不將佢哋調換咗嘅秘密講畀U知，更互相交換情報，由對方代自己而活一個月......

點知，乙好快發現件事有幾失控！因為當佢以甲嘅身分同U見面時，佢只知道之前嘅自己有幾___街。甲嘅情況相似，但甲選擇欺騙自己，說服自己就係___街乙。只過咗三天，乙發現甲已100%代入佢嘅新身分，更完全佔有原本屬於佢嘅一切，而乙自己亦驚覺，自己連思考模式都唔同晒......

到第四天，甲乙見面，好詭異咁互相對「自己」身體喊話。乙決定要講出真相，做甲好痛苦，佢絕不願意！甲則心感暢快，誓死不讓真相被揭露，更拒絕再見變了自己的乙，順手將佢打到半死！

甲變本加厲，不單佔據咗乙嘅人生，更要將自己本來嘅人生都要埋咗去，唯一仍然維持甲原有意識嘅係，佢不會讓U孤單，而且愈愛愈深......於是甲乙嘅人生都由甲獨享，乙變得比以前嘅甲更可悲......

到過咗第一個星期，乙又發現咗一個更可怕嘅事實，原來只要時機啱，集齊所需條件，佢可以同任何人調轉！兩次意外變咗其他人之後都苦不堪言，於是佢密謀要搶返自己身體，以新身分，一個傻白甜嘅小女生去接近甲.....

點知，甲同佢一樣！同樣已經換走?！

甲乙不約而同以冇人會知道嘅身分重遇好多次，期間搞出好多好笑事同慘事！卻不互相知道！直至甲乙一同晌U身邊出現，一樣想保護佢免受已經非本尊嘅「甲」同「乙」傷害......偏偏，「甲」「乙」出現時，所有互換身體嘅條件都集唔齊，甲乙兩人再度連成一線亦不果，直至Miss U拿著罐身寫著「Miss U」可樂罐竟然認出了當時變咗做糟老頭嘅甲......

結果係點？Miss U同「Miss U」可樂，自然唔簡單啦……但個結局……其實未諗到……嘿！