【出奇的史】係咪真係有「守宮砂」呢？

以後會定期有聲演版本！！
懇請格友們多多支持！！
 支持訂閱【JU史講史】YouTube頻道

喺唔少武俠小說、古代故事當中，每逢提到同女子貞操有關都必定有「守宮砂」呢個詞出現。咁到底「守宮砂」係咪真實存在，佢嘅消失又係咪代表女子失貞呢？今次JU史就同大家講一講啦！ 喺中國古代社會，女子貞操絕對係相當重要，相傳未出嫁嘅婦女佢嘅父母都會喺女子手臂嘅內側點上一粒「守宮砂」象徵仍然保有貞潔，而當女子失貞之時「守宮砂」亦都會隨之消失，而且一生只有少女嘅時候先可以點，失貞之後就點樣重點都冇用。一旦新婚夜丈夫妻子手臂冇「守宮砂」，係可以即時退婚，後果相當嚴重。咁到底「守宮砂」係咪真實存在呢？ 所謂嘅「守宮砂」，相傳係先捉到一隻壁虎，向壁虎餵落7斤朱砂，然後再殺死晒乾磨成粉末，呢個就係「守宮砂」嘅做法。之不過，其實早喺隋唐之時就已經有《唐本草》對「守宮砂」嘅做法提出質疑，並明言係「殊為謬矣」；而後來李時珍亦都喺《本草綱目》當中直指有幾家嘅說法都係「大抵不真」、對呢種方法就認為「恐別有術，今不傳矣」。所以，「守宮砂」嘅真實性就真係成疑喇！ 圖片為Ju史自行製作

原文黎自 https://www.potatomedia.co/s/bNm25xJu