星期日．燒賣今日宅在家
其實朝早，有出過一陣街。
早上同媽媽飲茶，她跟我們上班族不同，無論星期一至日，佢都比較早起(7am)，日日如是。我星期一至五也是早起，只是星期日﹐都想訓晏D(9am)。所以，我要同佢飲茶，就要早點起(7am)，因為，佢會催。
去到茶樓，你估唔到唔駛等位的。
我答佢，可能今日星期日，D人想訓晏D，所以有位。好似好牽強但事實如此。還有卡位座，我地座低開咗普洱茶，也點了幾樣點心、牛肉腸粉，我一直唔明點解早茶要吃排骨飯，但結果也是點了，同時也點了最期待的燒賣...
結果...就是燒賣漏了單。
你期待的，遲遲不來，你尋找答案，原來，是從來沒有發生過...
吃到差不多，離開了茶樓，媽媽要去街逛一圈。而我，開始返宅休息的時光。
坐公車回到家，就在家中的庭園，看到呢隻象鼻蟲...(勁靚囉)
返到房間，我想開電腦聽首歌，無意中看到 BABYMETAL - Monochrome - Piano ver. / THE FIRST TAKE... 老實講，我聽完係有感動o既。
我真係連續聽咗2次半...
執下屋，洗下衫，掠下衫，宅下宅下，原來咁快已經2pm
喔，說好的補眠呢？(我仲未食午餐噃...)
可能，平靜就是，不知時日過。而你，成日諗住退休，其實都係差唔多咁...
呢個平台我第一次接觸，多點寫作，都係我其中一個目標
Maybe晏小小再寫下其他野，而家真心眼訓。因為今日，真係要好好休息，你要記住，明天星期一
