仆街

啱啱過去嘅星期日我喺元朗泰祥街ok便利店對開紅綠燈馬路仆街，仆得好金，我都嚟唔切反應，跌啲嘅時候我大叫一聲，然後我都聽到隔離嘅人一齊大叫，然後三個人圍住扶我起身，起身之後我都仲行到，但係就覺得滲血喺條褲度，咁我掀高條褲睇下個傷口，好深，好似冇咗忽肉咁，我就知道我返到屋企都處理唔到，於是就去咗博愛醫院，而家縫咗兩針。

你真係唔好話我迷信，我覺得跌嗰一下，係有嘢kick我，唔係推我，係kick我。咁我梗係搵家姐搵師傅問一問啦，果然係有嘢，跟住就請師傅幫我處理。

不幸之中嘅大幸就係冇骨折。