亂讀新聞(十八)

亂讀新聞(十八)

2024年2月22及23日

1. 開始之前，都係例牌頭盔架喇，英國新聞我係自己譯，所有正確既報導以原文為準啊吓。(今次都係懶到直接copy and paste之前果句，哈哈。)

2. 估唔到一個英國下議院既一個SNP (Scottish National Party)一個對以哈戰爭既人道停火協議既提案可以引起軒然大波(可能只係我估唔到啫)，下議院既議長Sir Lindsay Harvey Hoyle賀立紳因為接受咗反對黨工黨響呢個提案上面既修改，而令到保守黨為首既接近60位下議院議員對佢發動不信任動議。咁係因為一路以黎既憲法做法(Convention)，只有政府先可以修改反對黨既提案，但賀立紳就採納晒工黨同政府既修改。(Skynews)

3. 工黨領袖Sir Keir Starmer就表示自己冇威脅賀立紳要佢按工黨意思修改議案，佢只係說服咗賀立紳咁做，認為咁樣先可以拓闊有關加沙情況既討論空間，而家SNP咁大反應係因為佢哋諗住分化工黨但係唔成功，而政府就因為驚輸咗個投票( it was going to lose a vote)所以先會咁既反應。(Skynews)

4. 唔熟英國憲法，但Skynews個報導係咁寫"Convention dictates that only the government can amend an opposition motion."，咁係咪即係無論背後原因幾冠冕堂皇都好，賀立紳都唔應該咁做呢？

5. 英國辛偉誠都出埋聲，話佢好關注賀立紳呢個咁既決定，但事實上雖然SNP加埋保守黨呢個不信任動議只係可以加重個壓力，但實際上係冇約束力既，所以係咪真係可以逼走賀立紳其實都真係未必，更加似既係擺個姿態出黎。(BBC)

6. 俄羅斯反對派領袖Alexei Navalny拿華利既死亡再有新發展，拿華利既母親終於都見到佢個仔既屍體，而張死亡證上面寫既係「自然死亡」。同時拿老太太都控訴，話俄羅斯派員去威脅佢盡快幫拿華利舉行私人喪禮，唔好比其他人參加，如果唔係會對拿華利既屍體"do something"。仲有，啲官員都想逼拿老太太盡快交低喪禮既時間同地點，佢哋希望越快越好，唔希望拿氏佢哋會搞啲咩悼念既儀式。(Skynews)

7. BBC最新既消息，就係話美國總統拜登宣佈，美國會針對住拿華利既囚禁死亡同埋對烏克蘭發動既入侵，展開新一輪超過500項既制裁，而且係針對超過100間個人同埋公司。不過報導都承認，呢啲制裁對俄羅斯既經濟究竟有幾大影響呢？真係答唔到。(BBC)

8. 英國上訴法院駁回Shamima Begum就英國政府剝奪佢既英國公民身份既上訴。Shamima Begum係2015年自己離開倫敦走咗去敍利亞參加伊斯蘭國ISIS，2019年響敍利亞既難民營被發現，第二日英國政府就以國家安全為理由，去剝奪咗佢既英國公民身份，Shamima Begum就話自己係人口販賣既受害者黎上訴。上訴庭就表示可能Shamima Begum既遭遇係好可憐，但呢啲都可以話係佢自己攞黎，而上訴庭其實都唔會理呢一點，只會睇下政府既決定係咪合法，而就住國家安全呢樣嘢黎講，法庭係唔會去干涉政府呢方面既決定，加上睇唔到有咩證據話Shamima Begum係遭到人口販賣，所以就駁回Shamima Begum既上訴。(BBC)

9. Youtube下面有留言話Shamima Begum曾經受訪時提過自己唔後悔加入ISIS，而且響果度都曾經渡過美好既時光。我google咗一下，佢真係響2019年2月接受BBC、Skynews訪問係講過啲咁既嘢，佢話佢想返英國既理由，係為咗養大佢個新生BB。(Independent)

10. 英國左膠當道，啲人梗係唔會理喇，淨係覺得哎呀佢係後生女又係少數族裔好慘啊。就係因為咁Clapham Attack入面既疑兇Abdul Shokoor Ezedi先至有幾次性侵罪名，又明顯冇基督天主宗教信仰(佢用黎上訴既理由係信基督定天主教受逼害)，都可以成功申請做難民咋嘛。而家班人仲話會幫Shamima Begum上訴去Supreme Court，所以究竟件事最後會發展成點都仲未有定案。

11. 返黎香港睇下法庭新聞，根據庭刊報導，律政司就住"民陣於2019年8月18日在維園舉行「流水式集會」，7名民主派人士包括黎智英、李柱銘、吳靄儀等人經審訊後，被裁定組織及參與未經批准集結兩罪罪成，他們就定罪及判刑提出上訴，高等法院上訴庭早前裁定7人就「組織未經批准集結」罪的定罪上訴得直，撤銷定罪及判刑，惟「參與未經批准集結罪」則維持原判。"向終審法院提出上訴許可遭到駁回。(庭刊)

12. 雖然贏咗呢單官司，但都仲有好多其他既cases，好可能有好多爭議，但啲被告係唔會有錢上訴到終審法院既。

#不專業專欄 #亂讀新聞 #英國新聞 #香港新聞

#skynews #BBC #independent #以哈戰爭 #哈馬斯 #加沙

#工黨 #保守黨 #AlexeiNavalny #庭刊

#終審法院 #黎智英 #李柱銘

廣告時間 -

ig: leafopen3

instagram.com/leafopen3

fb: leafopenleafopen

facebook.com/leafopenleafopen

方格子︰ https://vocus.cc/salon/leafopenleafopen

如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B

如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938