這是誰的錯?

畢咗業咁耐，有時都會諗吓究竟當年係學校到底學咗啲咩？

我諗咗好耐都諗唔到，原來我對於接受了20年嘅香港教育只感到一片空白。

香港教育就是為考試而存在，而考試形式又是那麽死板，只要求學生答標準答案，直接扼殺了我哋嘅創意、獨立思考和學習興趣。 而學校嘅要考核嘅學科內容又係異常地多，老師一般都不太可能會教得完。結果老師被迫加速講書，學生沒有時間去消化知識，有時候老師教唔曬更要學生在家中自修。

結果依個垃圾制度出嚟嘅學生都係一模一樣，大家都只係精於短期記憶，對資訊不會有懷疑，全部不求甚解的塞進腦子裡。考試過後學過嘅東西都被放進去資源回收箱。

被廢了武功嘅我哋出到嚟社會，才發現原來自己白白浪費了20年青春。而這時候製造這垃圾教育制度嘅上一代卻反轉頭話我哋唔識思考、質素差。

請問世界上有比這更荒謬的事嗎？