入鄉不會隨俗

2020年9月13日

農曆七月-鬼節，有一名中文大學助理教授叫李薇，相信是個內地人，在面書群組貼文，批評屋苑居民因七月鬼節，在路邊祭祀時，浪費食物，更取走食物，還叫印傭姐姐二度製作。

見你用得外籍傭人，都應該來港一段時間，不過睇黎，你呢位助教沒有融入香港文化。七月節，鬼門開，路邊祭祀呢個文化好深入民心，就連屋苑都會放置燒衣器皿，好讓大家方便使用。一般而言，七月節祭品是不會收走，因為除燒畀先人，還會燒畀遊魂野鬼，不想它們跟隨回家。雖然這樣很迷信，不過做得出就要做到底。

既然你執得啲祭品走，我只好當你係遊魂野鬼，點解唔見你講執埋四周圍啲散紙走呀，笨！呢十幾日你唔使去買餸架啦，你拾荒得架啦，我哋咪當做多件善事。一直以來，香港人對賑災都義不容辭，由其對住大陸。

我哋好多時去到外國地方，都唔知道該處習俗，有時會做出一啲事，得罪了人還不知道。阿爸教落，做錯要認，鬧要企定定。你要對著幹，說出：“我開心關你屁事”。咁一定有人幫你，升你格，做網絡紅人。呢個網絡世代，要紅好容易，放左上網，梗有知音人。如果唔係，我都唔會識到你，小薇姐。