女人錢真心唔難賺，岩岩朋友介紹一間幾平嘅美容院，原本上去打算只係想做普通嘅保濕treatment，結果幾個美容中心職員，做完療程後不停講優惠，就買了100格plan。哭，我發現自己每次都衰係唔同買plan方法上面。
Case1:
有次做facial，美容師一邊做，一邊話我皮膚有啲咩問題。到而家仲記得，佢話我皮膚好乾燥，色斑開始出嚟，而且問我以前係咪好肥，啲皮好容易拉起，應該之前有減過肥。但其實我體重一直維持穩定水平，聽到佢話我肥嘅時候有少少嬲，但係唔知點解佢批評嘅地方，唔多唔少都有啲講咗我自己嘅皮膚問題。最後就住皮膚乾燥呢一點，就唔小心碰左個荷包俾美容師。
嗰時聽到佢批評自己其實好唔開心，買完成個plan都唔開心，但可能年少無知，其實我到而家都唔知點解我當時會俾錢。
Case 2:
有次上美容院，做緊Facial嘅時候，個美容師好神秘感話，你塊面生咗粒疣，係過濾性病毒，要快啲清除，如果唔係就會經過淋巴去到其他地方，而佢哋美容院正正就係有呢個服務。嗰時我聽到有啲神奇，我就問喺塊面邊度。佢答我，買咗個服務我就話俾你聽。依家聽落去好似呃人，但嗰陣時我都真係有少少嚇親，都未聽過疣究竟係乜嘢嚟。但我心諗如果佢係病毒，我冇理由喺美容院度買服務，而唔去醫療中心，接受正式診治。所以今次我堅持唔買到佢哋服務。
然後我最後發現，佢講嘅有疣，係我當時眼蓋生左一粒小粒，但冇幾耐就好返啦。
Case 3
最嚴重就係有一次，試過真係俾人鎖埋門，喺房單打獨鬥，唔買療程唔開門俾我走。其實本身呢間美容院我都有用開，你覺得服務幾好，但做多幾次之後，就發現中招了。本身一入去嘅時候，美容師話幫我免費升級一個療程，可以體驗一下公司產品。我心諗免費升級梗係好啦，過程入邊佢不停講到呢個產品同我啲皮膚有幾咁適合。我都半信半疑，畢竟我同時有另一個facial療程係另一間美容中心，要另外再買一個，就太多啦。所以當時佢一直講，我都冇俾反應。結果去到最後，做完成個療程佢閂埋門，我鞋都未着，就問我覺得點，而家做緊呢個優惠bla bla bla… 好值得去試。我同佢講我冇諗住買，初初開始去佢都遊說方式，之後我堅持。佢就劃破面皮，話我唔買點解會試呢個升級療程。聽到呢句，我就莫名其妙….
最後，我哋糾纏左成個鐘，唔知係因為有下一個booking，定係收到通知，佢終於開門出去。臨走之前，佢仲要話當佢唔好彩遇到我。
Case 4:
優惠真係女人大敵，每次俾錢買療程，都係因為聽到有promotion優惠，每次都會但係同樣嘅錯誤。不論係做facial、修甲、假眼睫毛，聽到佢哋今個月做緊優惠，本身有啲心動，但都可以限制住。但當過咗幾日佢哋又講，優惠仲剩返幾多日嘅時候。就會覺得好心急，去到最後一日再通知時候，就慘了。
自己仲遇到好多喺美容院唔好嘅經歷，所以呢幾年我都只係會幫襯，用開嘅美容院。而我覺得有一間特別好嘅美容院係凱詩美容Pretty Beauty，佢係唯一間我冇被hard sell 過，一直保持住優質服務嘅美容院，而且買過佢哋唔同facial療程，的確係有唔同嘅功效，貨真價實！
