第四章：「水靈」

「你點解要咁講？要救我？」紅頭問道。

「無，純粹大家有啲誤會，依家無事咪得！」啊水答道。

「哼！我無求你幫手，你自己要咁講我都無計，算你今日好彩，我哋走！」紅頭臉紅地道。

「好、好、好，你話點就點啦！我依家可以走啦？」啊水道。「係，你走啦！」

這場鬧劇完結後，啊水及其友便急忙跑回黃色大樓上課。可當他們跑到班房外的時候，下課鐘聲便響起了，全班都看著兩人身衫不整，老師也嘆了口氣道：「兩個，跟我嚟，慢慢同你哋傾！」啊水看這情況，心想：「唉，今日無七點都唔洗指意放學返歸！」

另一邊。

待啊水一行人離開後，便有數名身穿黑色西裝，腰旁皆配有武士刀的人正在調查該地方。其中一名西裝男子道：「啱啱見到有深紅氣息釋放咗出嚟，就知道有啲事發生咗，但估唔到有另一樣嘅收穫！」他摸著眼前肉眼都難以看見的紫紅氣息所留下的印記……

晚上七時。

啊水終於從惡魔般的老師手上走脫，拖著疲倦身軀走出校門。突然，他的身後有一手搭著他的肩膀，他瞬間向後看了看，生怕紅頭又找他的麻煩……

他向後看了看後，便有一樣貌清秀，有著靈動的眼睛，卻不失優雅氣質的女孩出現在他的眼前。啊水看見他的臉龐後，臉上頓時有發熱之感。

「你做咩咁遲先放啊！有好多野做啊？」該女孩問道。

「梗係唔係啦！比光頭陳留堂嫁。唔好提啦！咦！水靈你又做咩咁晏啊？」啊水答道。

原來啊水眼前的女孩名叫水靈，人如其名，有著如流水般靈動的雙眼。不知為何，上天總是不公平，這女孩已有世間少有的瞼容，不但如此，她身上更散發著綠色之氣。可能你會問，為何這樣優秀之人會與啊水之流有所交集？原因很單純，認識啊水的當天，她看見啊水又與比他較高氣息之人有所爭吵時，頓時覺得他所具備的勇氣可謂現今社會很甚少可見，故她認為必須跟他認識。加上水靈十分善良，對現今評級制度有所不滿，當人人皆不屑與下位之人傾談時，唯水靈沒有抗拒與他們做朋友。因此，他倆很快便成為了好朋友了。

「無啊，啱啱排球隊練完波，依家準備走啦！」水靈剛說完，她的隊友便跟她說：「靈，快啲啦！成班人等緊你啊！」

「你哋行先啦，我唔嚟啦，攰啊！想返屋先！」

「好啦，咁你自己小心啲啦！」

「水，行啦，望咩？一齊返屋企啦！」啊水看著眼前的女孩，只見他穿著排球的隊衣，盡顯其玲瓏的身材，心裏更是不明這樣內外優秀之人為何與自己如此的接近。