愛了傷過份－台文歌詞
歌詞
思慕你的心追你到海角天邊
su-bōo lí ê sim tui lí kàu hái-kak thinn-pinn
上媠的風景無你我哪有意義
siōng suí ê hong-kíng bô lí guá ná ū ì-gī
今夜閣睏袂去你又閣共我創治
kim-iā koh khùn bē khì lí iū-koh kā guá tshòng-tī
你講你心內猶有伊
lí kóng lí sim-lāi iáu-ū i
你講你愛過幾个其實我嘛無差
lí kóng lí ài-kuè kuí ê kî-si̍t guá mā bô tsha
若有人欺負你的時陣我是靠山
nā-ū lâng khi-hū--lí ê sî-tsūn guá sī khò-suann
做彼道照映你的光線
tsò hit tō tsiò-iānn lí ê kng-suànn
就算你講你無愛我
tiō-sǹg lí kóng lí bô ài guá
我是愛你愛甲有賰
guá sī ài lí ài kak ū-tshun
花開的每秒每分
hue khui ê muí bió muí hun
我思思念念的笑容
guá su-su-liām-liām ê tshiò-iông
咱就將所有一切交予命運
lán tiō tsiong sóo-ū it-tshè kau hōo miā-ūn
愛了傷過份
ài-liáu siunn kuè-hūn
無你佇身邊我的心親像烏陰
bô lí tī sin-pinn guá ê sim tshin-tshiūnn oo-im
無暝閣無日思慕你的空房間
bô mî koh bô ji̍t su-bōo lí ê khang pâng-king
花開又花謝 等也無你
hue khui iū hue siā tán iā bô lí
講袂出喙的彼句我愛你
kóng bē tshut tshuì ê hit kù guá ái lí
我共我所有願望說予流星
guá kā guá sóo-ū guān-bāng sueh hōo liû-tshinn
望啥 望你佇身邊
bāng siánn bāng lí tī sin-pinn
過去的一切偌濟風風雨雨糖甘蜜甜
kuè-khì ê it-tshè guā-tsē hong-hong-ú-ú thn̂g-kam-bi̍t-tinn
我真正想欲做你的唯一親像伊
guá tsin-tsiànn siūnn-beh tsò lí ê uî-it tshin-tshiūnn i
我只要目睭擘金 all i can see is you baby
guá tsí-iàu ba̍k-tsiu peh-kim all i can see is you baby
拍開你的心 予我一擺機會好毋好
phah khui lí ê sim hōo guá tsi̍t pái ki-huē hó m̄ hó
我是 我是
guá sī guá sī
我是愛你愛甲有賰
guá sī ài lí ài kak ū-tshun
花開的每秒每分
hue khui ê muí bió muí hun
我思思念念的笑容
guá su-su-liām-liām ê tshiò-iông
咱就將所有一切交予命運
lán tiō tsiong sóo-ū it-tshè kau hōo miā-ūn
愛了傷過份
ài-liáu siunn kuè-hūn
我是愛你愛甲有賰
guá sī ài lí ài kak ū-tshun
雖然無啥物身份
sui-jiân bô siánn-mih sin-hūn
隨海湧流浪的彼隻船
suî hái-íng liû-lōng ê hit tsiah tsûn
咱就將所有一切交予命運
lán tiō tsiong sóo-ū it-tshè kau hōo miā-ūn
愛了傷過份
ài-liáu siunn kuè-hūn
詞彙整理
- 媠 suí：漂亮的、美麗的。
- 創治 tshòng-tī：捉弄、欺負。
- 賰 tshun：剩餘。
- 過份 kuè-hūn：過份。值得一提的是，台語「過分 kuè-hun」是指果實過熟。
- 烏陰 oo-im：陰天、烏雲密布。陰霾不見陽光的天氣。
- 說 sueh / seh：講、講話。
- 擘金 peh-kim：張眼。把眼睛張開。
