我哋兩個都係脫離唔到老母嘅陰影之下。
生日嗰日返咗大陸兩日一團，10月20號返到香港，我就送咗一份大禮俾自己。就係book咗12月24號去做眼袋手術，我個黑眼圈同眼袋好誇張，成個人好憔悴，都算係一個整形手術，下定決心想搞搞對眼。做完手術應該有幾日隻眼會腫晒，就趁聖誕節嗰幾日休養。
香港做呢啲手術比較貴，韓國好平，但係唔敢去到韓國做，怕有咩事喺香港都可以入急症室。同我一齊喺馬來西亞買樓個friend，原來佢都有去韓國做醫美，下年我都想去做韓國facial，醫美我就唔做啦，不過就想做啲喺香港做好貴嘅facial，同埋好想去韓國做顏色測試，睇吓你著咩色衫比較好睇，雖然可能得出嚟嘅結果，我都唔會理佢，繼續著我自己鍾意style嘅衫。我覺得40歲之後感覺自己可以掌握多啲自己想做嘅嘢，可能因為我搬咗出嚟啦。同埋我覺得自己睇嘢寬懷咗，有啲事情我個衣冠禽獸老細會好激動，好嬲，係人哋做得唔好，係佢衰，但係我又冇咩感覺。呢個係我近呢一年發覺自己有進步嘅地方。
