你上一篇打嗰啲中文，真係好搞笑，真係正宗香港人。睇到都會心微笑。 我都真係唔知點解我同你老母會咁似，真係好撚煩。
有幾樣野想update，話說我家姐成日都俾我伯父叫去抽居屋，咁今次竟然抽中咗，12月18號就叫佢去選購。 係觀塘一個居屋， 宜家起緊27年9月入伙啦。
我家姐個number其實好後嘅，基本上如果係好嘢，唔會俾佢有機會去揀嘅。睇返呢其實就真係 籮底橙賣剩蔗， 根本好多人唔想要，嗰度其實係地方非常唔方便，超級潮濕，又冇配套，加上定價又唔係十分平。同伯父傾完之後都係決定唔買啦。聖誕節又嚟啦，又係on 99一個人。 不過平安夜會去做眼袋手術。 所以聖誕節應該都係匿埋屋企等消腫。
年尾流流，我梗係去睇吓馬年運程。 唔知點解好多都話屬豬嘅都會有升職機會。 我覺得我自己而家工作都算站穩住腳，但係就有一個人，我成日都感覺到佢威脅緊我，就係好L串嗰個中醫師。好彩就係我個衣冠禽獸老細，都好唔鍾意呢個中醫師。見步行步，我覺得就係自己呢個性格，慢慢將自己行到嚟呢一個地步，我都接受都滿意。有得升故然 好，冇其實我都心滿意足。
聖誕節你有咩搞啊， 係咪又係好忙啊。
