真係好似。。。
我老豆今年一定要攞晒d annual leave，我老母又係唔比佢去旅行，我老豆話想試下坐高鐵，又係唔比，鬧佢做咩要去大陸。跟住又係話自己腳痛，又話自己唔舒服，又話個心跳得好快，不知所謂。
今年三月我地喺馬來西亞嗰陣就已經討論過出年去邊旅行，佢又係話咁快決定做咩吖，到時可能佢可能已經死左，我心諗，你死左最好啦，更加唔駛煩。因為我地6個係自由行，去咩歐洲美國嗰d完全唔駛預我，我絕對唔想同我老母去嗰d地方，你都知，去嗰d地方一定要行，但係佢又唔想行，又要逼我地租車，佢係全家唯一一個無車牌既人，佢話佢去旅行只係想上車落車，但係佢又話唔會跟團，要同我地自由行。你話係咪好想死？咁都未算，去到，佢又投訴話無地方shopping，又話d野唔好食。好似佢次次黎澳洲，都逼人同佢去旅行，去到，佢又話好悶，只係睇風景，佢老味，澳洲除左風景之外仲想做咩，而且佢已經黎左十幾二十次。。。
我地出年二月去泰國，本來老豆話想去日本，我話去囉，佢想去就去，但係我阿媽講咩呀？佢話，二月咁凍，你咁肥一定買唔到冬天衫啦！仆街。。。真係好仆街。。。我買唔到冬天衫關你叉事？我著短袖你吹咩？？？？跟住我話去越南啦咁，又平，跟住佢又話越南無咩好做，咁你去到馬來西亞都係無咩好做架啦你咪又係去左兩次？？？跟住我地話去泰國，佢又話驚有KK園，有地震。。。仆街，我唔爆粗都唔得，咁L煩既人我真係唔知前世欠左佢d乜今世要咁樣還。。。最仆街係乜呀，係佢講左咁叉多野之後佢話自己無講過喎，佢仲要老屈我，同我老豆講係我唔想去日本喎！！！未去旅行我都已經想鬧交。
連肥仔都話，如果要一家人去旅行，一定要預多三日鬧交，即係本了去十日，一定要book夠13日，連人地聽唔明都知道佢乜料，得佢自己唔知，成日話自己好可憐。。。
我地五個就真係可憐喇。。。
