1月23日星期五我會好忙，阿香大婚啊，我去做姊妹。因為林慧香一直都好似冇正式公佈，所以我唔敢同人講我會做佢姊妹。
我唔知佢有冇同鴨仔講呀，我淨係知道佢應該有同阿醒同張詠雯講，所以你都唔好同鴨仔講，呢啲消息由佢本人親自公佈比較好啲。
見到阿香拍拖結婚。我真係真係好替佢開心。我已經同佢講咗，當日我可能一直喊，喊足全場。跟住當晚我就上飛機去慕尼黑了。
話說我啲咳都仲未好，仲有兩星期，希望真係好返晒先去旅行。11月大火嗰日我喺屋企感冒好暈好暈，我喺度諗如果我旅行期間突然間咁樣感冒，暈到根本都行唔到，個行程會點呢？ 感冒真係好似好小事咁，但係嚴重起上嚟都係會function唔好。
我宜家會去大陸一間中醫館，專係做調理，連續做咗兩個禮拜火龍灸薑療，想提升翻個陽氣，唔好咁虛寒。做咗一次之後，我都覺得係好咗嘅，因為上星期香港超凍，比著以前我應該真係凍到癲咗，但係我覺得我冇凍得咁交關。
