香港以外

2020年8月24日 12：13

看到面書有人在日本新宿，築人鏈，撐香港，有人舉黑色旗，上面寫住“光復香港 時代革命”八隻大字，而家舉旗，嗌口號，都應該只有身在外國嘅手足先至做得到。喺呢個咁民主專一嘅香港，就算舉白紙，只要多個兩個人，都會俾班癲狗告你違反限聚令599G。而家我會會見到黑色嘢，我嘅眼睛會浮現出八隻白色字。

睇吓美國黑人事件，嗰位警員及現場3位警員被解僱（資料取自BBC）！跪脖嗰位警員更被指控犯有謀殺罪。反睇我哋班癲狗呢，竟然叫我哋去體諒一下佢哋因為工作時間長，工作壓力大，更要面對嘅場面非常混亂，我哋理應要去包容喎！原來香港其他人工作無壓力嘅，就算包容都有一個限度，當你見到啲畫面，睇見班癲狗大棍大棍吽落嚟，我真係唔知點樣去包容。

犯法就係犯法，你哋講㗎嘛，又唔見你哋去拉人。就算有個別事件拉到人，都只係訓示了事。開電單車衝人羣嗰個差人呢？開槍打爆外國女記者嘅眼嗰個差人呢？上左警車都要擰反轉身掟煙霧彈去群記者嗰個呢？仲有嗰群毆打綠色物件嗰班癲狗呢？要幾多有幾多。老豆成日都教我哋，錯就要認，鬧就要企定定，不過香港已經改變左，錯唔使認架，只要你係差人。警權過大已經成為

事實，佢哋伸張緊佢哋心目中嘅正義，一個扭曲咗嘅正義。就連當權者都將責任下放於一個警察投訴科處理，即係叫佢哋自己攪掂佢。自己人揸自己人，揸都天光都揸唔到啦！嘥氣！差佬信得過，豬乸都會爬樹。

不過話分兩頭，我亦有見過其他畫面，睇到示威者變成暴徒，蜂擁而上去襲擊

被孤立左嘅警察，打到頭破血流，甚至掟汽油彈。我唔應同呢啲做法，佢哋當然唔應該咁激進，自己好蝕底，畀曬藉口班狗用“適當武力”去處，到頭來，先受皮肉之苦，再畀班狗帶反狗屋玩。