「Lo̍h-hō͘-mî」

「Lo̍h-hō͘-mî」 Cha-àm lo̍h tōa-hō͘ Chia̍t-ūn téng-koân bô kúi-ê lâng Léng-chheng ê tē-hā chhia-thâu bōe-su Hō͘ mô͘-sîn-á chiàm-niá ê chhim-soaⁿ lāi tek-nâ-á Tiām-chēng bô-siaⁿ kah ná leh hām-bîn M̄-chai-iáⁿ ta̍k-ê-lâng kám ū pêng-an Tńg-khì kàu ka-kī sim-ài ê hit-ê chhù—lih An-sim ji̍p-bîn？ 〈落雨暝〉 昨暗 lo̍h 大雨 捷運頂懸 bô 幾个人 冷清 ê 地下車頭袂輸 Hō͘ 魔神仔佔領 ê 深山內竹林á 恬靜無聲 ná leh 陷眠 毋知影逐个人kám ū 平安 轉去到ka-kī sim-ài ê 彼个chhù--lih 安心入眠