<div class=draft-block draft--p left>過去</div> <div class=draft-block draft--p left>寫無了的一首詩</div> <div class=draft-block draft--p left>囥佇屜底幾若年</div> <div class=draft-block draft--p left>漸漸袂記得</div> <div class=draft-block draft--p left>煞雄雄閣再揣見</div> <div class=draft-block draft--p left></div> <div class=draft-block draft--p left>這首無尾詩</div> <div class=draft-block draft--p left>想欲繼續寫落去</div> <div class=draft-block draft--p left>想來想去,寫未出一字</div> <div class=draft-block draft--p left>彼時的心思,早都走味</div> <div class=draft-block draft--p left></div> <div class=draft-block draft--p left>寫無完的詩硬寫袂媠</div> <div class=draft-block draft--p left>規氣點一枝番仔火</div> <div class=draft-block draft--p left>送伊離開</div> <div class=draft-block draft--p left></div> <div class=draft-block draft--p left></div> <div class=draft-block draft--p left></div> <div class=draft-block draft--p left></div>