華田銀行 X 華田士多
Wallace Tin
更新於 2021/12/31閱讀時間約 11 分鐘

[華田一人票選] 2021 年十大零售銀行大事回顧 (下)

上期銀行銀行閑談 (153) 同大家數咗 [華田一人票選] 2021 年十大零售銀行大事回顧第 10 至 6 位大事，喺數最後 5 強之前不如先回顧一吓第 10 至 6 位啦！
第十位：虛銀瘋狂優惠不再，你還有在用虛銀嗎？ 第九位：跨境理財通，到目前為止仍然是個理想吧 第八位：個個都話做ESG，終於有少少 ESG 產品喺零售層面面世喇 第七位：消費券 2021，Bank Worker 真係嬲嬲豬咯 第六位：鄭經理卡不再，渣打同國泰關係更進一步

5. 一雞兩味，WeLab Bank 創 P-Loan 新玩法！

借錢送高息戶口一直都係按揭先有既玩法，但係 WeLab Bank 就將整個 mortgage-link model 套咗落 P-Loan 上面，仲改埋名叫 GoFlexi Link，橋就係舊既，都算係為香港銀行私人貸款寫下咗歷史新一頁喇！
雖然我一直都覺得呢個 GoFlexi Link 唔係咁容易「用得好」同「用得到」，不過 WeLab Bank 作為少數有喺放貸過程中為客戶提供「現金流管理神器」既銀行，單係呢個位就已經要一讚喇。
唔知喺未來會唔會有其他銀行跟隨呢種玩法呢？
Patreon 傳送門：

4. livi PayLater — 都可以話係年度最差產品咯！

今年都寫過幾篇文章講「消費分期」點樣成為信用卡部門既救贖，始終人就係咁奇怪，借錢買嘢就十惡不赦，但係先買後付就人之常情，仲係「好好管理現金流」既表現添。
Patreon 傳送門：
livi 見到呢個趨勢，喺各間同業都先出分期貸款既時候，就率先推出消費分期貸款，仲改咗名叫 livi PayLater，等你以為佢同 Atome 一類 BNPL 產品一樣喇。
一來我係覺得呢隻 livi PayLater 係真心生不逢時，要論信用卡免息消費分期，早幾個月就已經有 SC Smart 同 DBS Livi Fresh，打正旗號係做免息分期的，而呢隻 livi PayLater 就只係優惠期內全免，好難競爭啦。
二來佢根本唔係一張信用卡！大家可以睇吓 livi 官網描述：
livi PayLater是一種全新的消費模式，以循環式分期貸款，並通過 livi PayLater Mastercard消費滿最低金額，即可享受高達36個月分期還款。
我只係想做個消費分期啫，因乜事要搞到玩 revolving loan 喺自己 TU 留一筆呢？而我自己亦身受其害，搞到我要寫封 declaration letter 畀做緊 mortgage 既銀行，大家用落就小心小心喇。
Patreon 傳送門：

3. ZA 派利是 + 出糧 Fast Pass，呢啲就係高規格+有意思既新產品喇！

又差唔多到農曆新年，上年受疫情影響，大家有無一改傳統，派過 / 收過電子利是咁呢？
不過上年有一個好怪既情況，就係幾乎間間銀行都無特別標榜自己有電子利是服務，唔係佢哋無做啲 tiny enhancement 例如喺 FPS 度加吓賀年 emoji、喺 landing page 加吓恭喜發財咁，而係因為有間銀行實在做得太出色，令到其他銀行完全唔好意思話自己有電子利是。
而呢間喺電子利是上面做得超出色既就係 ZA Bank 喇！
我諗有用過既人都會明白 ZA Bank 喺派利是上面點樣完勝所有對手，無論係 入利是動作、拆利是體驗、整體配色、動畫、吉祥物、利是封、祝賀語、有 ZA 戶口定無 ZA 戶口，整個過程都係令派利是同收利是既雙方開心愉快。
其實都係 P2P 畀錢啫，中間又無錢賺既，咁就更証明 ZA Bank 係畀心機做好件事咯。
Patreon 傳送門：
除咗派利是，ZA Bank 另一香港銀行史上既新產品就係出糧 Fast Pass，一隻主打早 7 日出糧既循環貸款產品 (係吖，都係 revolving loan)。
話佢「聰明」並唔係指隻產品有幾創新，咪又係 revolving loan 之嘛，但係個 selling angle 就好中喇。
首先喺消費者角度睇，cash flow mismatch 既問題一路都有，佢哋需要既係一個短期、小額既融資工具，一個星期就好，如果撞正唔好彩畀人拖糧，就算要畀貴少少利息頂多一個星期都可以，所以一般既分期貸款其實完全唔啱用。
其實 revolving loan 有咗好耐，亦可以用嚟解決 cash flow mismatch 既問題，只係銀行唔識 sell，消費者自然唔識 buy，所以話呢個「出糧 FastPass」既糖衣就製造咗一個名正言順既理由畀消費者去申請，selling angle 就非常中喇。
Patreon 傳送門：

2. Mox Credit 應該係信用卡 UX 既新標準吧！？

Mox 食住 2020 年推出純黑金屬卡既勢頭，喺 2021 喺呢將原本只有 debit 功能既金屬卡上面加多一層 credit limit，就華麗轉身進軍 credit card 業務，仲順手大做消費分期喇。
咁咪又係 credit card，有咩咁特別呢？就係整個 UX 都係市場既新標準喇！其中包括由 debit 提升至 credit 既版面簡潔俐落、接近即時既審批速度、可即時加落 Google Pay / Apply Pay 再即時消費，即係話真係可以做到「即時申請、即時消費」喇。
咁都係無比較無傷害啦，Mox 呢張仲同時支援實體卡同 JETCO 提款，亦唔係 revolving loan，同頭先第 4 位嗰張真係爭得好遠喇。
而後續出既分期貸款，喺「申請時間點」上誠意十足、申請過程流暢、收費清晰易明、申請後要翻查記錄亦十分容易，繼續合乎我對 Mox 一貫既高期望，亦係市場上「消費分期」既另一高水準指標喇！
Patreon 傳送門：

1. 滙豐 EveryMile卡，倚天不出、誰與爭鋒！

滙豐好耐無大型新卡，對上一張旗艦卡 Red Card 已經係 2019 Q3 既事，都真係好耐咯，仲有上次個宣傳明顯無今次咁浩大，所以話匯豐今次真係隆重其事架！
滙豐今次呢張 EveryMile Card 有兩大歷史意義，亦係我一人票選佢為 2021 年零售銀行界第一大事。
首先今年真係無咩明星代言產品，我剩係諗到 Ali BB 代言唔知邊間銀行、Stephy 代言 livi、Mirror 代言滙豐投資世一，不過統統都唔夠「子華神」代言信用卡咁爆喇掛！？（嗱，郭富城代表滙豐尚玉係 2020 年尾架喇！而黎明代言 Citigold 就更早喇！)
如果大家覺得明星代言係膚淺，呢張 EveryMile 仲有個好重大既意義，就係一直唾棄 AsiaMiles 市場既滙豐，終於向 Miles 黨伸手，直接同剛 re-brand 既 Cathay 卡競爭，亦將其他主打「旅遊」既信用卡一次過掃低晒！
EveryMile 亦嘗試補足 Visa Signature 同 Red 留低既線下低額消費板塊，基本上出街碌 card 要賺回贈，3 張滙豐卡已經填滿日常消費，除非對手玩遊擊式商戶優惠，否則都唔會有咩窿窿罅罅畀其他銀行卡進入喇。
Patreon 傳送門：

[華田一人票選] 2021 年十大零售銀行大事回顧，或者「桃花依舊」先係第一大事？

以下呢 10 件大事，唔係係咪大家心中既 2021 年十大零售銀行大事呢？
第十位：虛銀瘋狂優惠不再，你還有在用虛銀嗎？ 第九位：跨境理財通，到目前為止仍然是個理想吧 第八位：個個都話做ESG，終於有少少 ESG 產品喺零售層面面世喇 第七位：消費券 2021，Bank Worker 真係嬲嬲豬咯 第六位：鄭經理卡不再，渣打同國泰關係更進一步 第五位：一雞兩味，WeLab Bank 創 P-Loan 新玩法！ 第四位：livi PayLater — 都可以話係年度最差產品咯！ 第三位：ZA 派利是 + 出糧 Fast Pass，呢啲就係高規格+有意思既新產品喇！ 第二位：Mox Credit 應該係信用卡 UX 既新標準吧！？ 第一位：滙豐 EveryMile卡，倚天不出、誰與爭鋒！
2021 年當然仲有好多香港銀行界大事，例如中銀 Rap 片流出、恒生 Louisa 離世、Diana 過檔恒生、滙豐投資世一、WeLab 疑似做馬案、VB 十萬客大賽、睇電視逗嬲嬲、天星 FX 業務、VB 高層大洗牌、花旗退市、連環釣魚事件、恒生匿名信等等，都發生咗唔少事，不過因為上述有啲唔夠 retail 我就無放上榜喇。
咁論精采程度，但當然無 2020 年 VB 輪流搶閘出台咁精采喇！
2021 年仲值得一提既，就係各 bank worker 都食咗唔少散水飯，人來人往、緣起緣滅，我諗 2021 年銀行界最大既大事，應該係「桃花依舊」四字。
我都祝福各位不管是去是留，都能覓得一立堆之場，嚐得一智慧之果吧。

華田簡介

支持華田銀行，請訂閱 Patreon (www.patreon.com/watin)，多謝你嘅支持！
華田銀行 FB: facebook.com/WatinResearch 華田銀行 IG: https://www.instagram.com/bank_of_watin/ 華田銀行 HKET 專欄： https://wealth.hket.com/sraw116/華田銀行
關於華田： 兒時夢想做i-banker，結果做了bank worker，還要是retail那種。過去在各大小銀行不同部門流徙，叫人借錢、催人還錢、審批貸款、出股票app、出借錢app、出信用卡、廣告策劃、銷售管理、分行佈點、生物認證、電子排隊、機器學習、敏捷開發，到現在還未安定下來。不懂財經、不懂經濟，只想談一下「銀行」這回事。
分享至
成為作者繼續創作的動力吧！
華田銀行 X 華田士多
追蹤
華田銀行 X 華田士多
追蹤
從 Google News 追蹤更多 vocus 的最新精選內容從 Google News 追蹤更多 vocus 的最新精選內容

作者的相關文章

Wallace Tin的沙龍 的其他內容

你可能也想看

發表回應

成為會員 後即可發表留言
© 2024 vocus All rights reserved.