【成語典故】「圍魏救趙」到底出自邊度？（聲演版本）

以後會定期有聲演版本！！
懇請格友們多多支持！！
 支持訂閱【JU史講史】YouTube頻道

係歷史上有好多戰役都有用過「圍魏救趙」呢個計策，達到戰略目標！咁到底「圍魏救趙」係咩招數，又係出自邊度呢？JU史今次就同大家介紹下啦！ 所謂嘅「圍魏救趙」其實係兵法「三十六計」入面嘅第二計，原本嘅句子就係「共敵不如分敵，敵陽不如敵陰」，意思就係話面對強大嘅敵人，不如設法分散先再打。而呢個兵法並唔係憑空出現，而係出自「孫臏救趙」嘅故事。 喺戰國時代，魏圍攻趙都邯鄲，而趙國就向齊國求救，當時齊王就叫田忌、孫臏率軍援救，當時孫臏就諗到魏國係以精銳攻趙，國內防守空虛，於是就決定攻打魏都大梁，亦即係「批亢搗虛」。結果，魏將龐涓趕回應戰「疾走大梁」，並且喺桂陵受到孫臏伏襲。孫臏喺呢次戰事採用到嘅招數，一舉擊敗魏軍，並且令到趙國自動解除危機，後世就用「圍魏救趙」稱呼呢個策略。

圖片及影片為Ju史自行製作

原文嚟自 https://www.potatomedia.co/s/b7p5BfpE