國際兒童節，對現代普天之下嘅小朋友嚟講，呢一日可能都已經成為一個有禮物收嘅快樂日子，但其實如果認真追溯，兒童節嘅出現其實係同法西斯嘅侵略戰爭有莫大關係！
喺1949年，國際民主婦女聯合會就喺莫斯科召開咗一場會議，喺會上義大利嘅代表Helen Gabrozo就提議將每年嘅6月1日訂為「國際兒童節」。咁到底點解佢會有呢個提議呢？咁就同40年代嘅兩場慘劇有關喇！喺二次大戰當中，1942年捷克地區遊擊隊員刺殺當時掌管捷克、由納粹德國扶持嘅黨衞軍上將海德里希，而當地利迪策村嘅村民就被認為有份掩護遊擊隊。
結果德軍為咗報復，先係燒曬利迪策村所有房屋，婦女被送到集中營、15歲以上近173名男性慘遭屠殺，而最慘嘅係88個兒童就被德軍以毒氣毒死。為咗紀念呢件事以及所有喺法西斯侵略戰爭中死難兒童，Helen Gabrozo就提議先訂立呢個節日，並且以後都要盡力了保障世界各地兒童的生存權、保健權及受教育權等，所以國際兒童節背後有住重大意義！
圖片為Ju史自行製作
原文黎自 https://www.potatomedia.co/s/ajg97eFL
