［碎碎念隨筆］2023新春戰記 — 跌入杜琪峯的電影世界 #鎗火 #黑社會 #黑社會以和為貴 #明日戰記 #木昇戰紀

#新春戰記  . 最近2個月少左電影劇集分享， 除左因為聖誕（終於）中了新冠， 亦因為忙緊籌備公司新春團拜活動。 一腳踢忙到心累身又累， 而家終於進入直路 所有主禮嘉賓， 都終於係活動前十日confirm! .  （其實本身就唔太擔心個活動 ， 一黎已經做過2次，一向都係覺得搞event， 係好多野都要last-minute先確認所有野， 急唔黎 擔心亦係多餘， 已經達到心如止水 煮到埋黎就食既心態。 只係不停被催趕而難免影響到情緒 ， 所以今次既挑戰反而係EQ訓練） . 希望黎緊可以寫寫最近看過幾套港產片 #滄海遺珠，好震憾，好好睇，簡直可以用刷新三觀來形容🤣 而且咁岩都係杜sir #杜琪峯既作品！ （其實係自己細個有眼不識泰山🙈）

睇完戲後久久不能忘懷，不停找影評分析繼續loop，黑社會裡的人物（如任達華、梁家輝、古仔、林雪等）性格多面向、陰暗面和複雜程度實在係好mind blowing又令人不斷有反思。

《鎗火》係有限資金和時間內拍出劇情緊湊、咁有特色既古惑仔小品亦令人嘆為觀止，係少有男人主導電影拍得咁好睇既作品。

Netflix有套杜sir的紀錄片《無涯：杜琪峯的電影世界》（Boundless），想做定功課才出post。 . Last but not least, #明日戰記、#正義迴廊真的是近年港產片上乘之作，要一而再 再而三推薦！！！🥺

睇完明日戰記之後，唔夠喉，係Netflix搵到套太空科幻片，《木昇戰紀Jupiter Ascending》呢套2015年的作品， 感覺係華卓斯基姐妹 （原Matrix/廿二世紀殺人網絡導演華卓斯基兄弟）江郎才盡之科幻大作，都尚算有點有趣，作為科幻爽片黎緊都唔錯既其實，遲下有時間又寫下🤣

#鎗火 #黑社會 #黑社會以和為貴 #明日戰記 #木昇戰紀