2023-02-14|閱讀時間 ‧ 約 2 分鐘

情人節快樂。你快樂嗎？

回想起以前細個情人節，尖沙咀海旁都會有一對對情侶夜遊海傍。

每對情侶都會有個共通點：男既身上面會有花/公仔；女既個個抱住一大紥花。簡稱：鬥晒命。

我以前都會有鬥晒命呢個項目，其實幸福，係要曬既。因為想話俾其他人知，我搵到個男人可以令我幸福快樂。

但到今日，望返fb 既回顧，我就係度諗，我呢幾年真係幸福咩？

第一年情人節12人行，唔記得咩事鬧交然後要影相，我好記得，我係喊住影相，仲要笑住黎影。

第二年情人節，我有幻想過佢會黎接我收工，然後一齊去慶祝。但現實係狂風暴雨下自己揸車過去佢到。零慶祝

當所有野都係跟自己預計到既路線發展叫《現實》，當突然間有樣野脫離左自己條線發展既叫《驚喜》

第三年情人節，初三。根據初三係赤口呢個真理，到最後鬧交收場。

第四年情人節，其實我都已經唔記得點過。

到今年第五年情人節，其實已經知道唔會有慶祝活動，但有一刻都有諗佢會唔會俾左驚喜我。好似情人節大餐，禮物等等。