批命的意義
呢排同幾位客戶朋友傾計講開，佢哋都有搵過唔同師傅去算命，當中有部份人批完命比先前更迷惘沮喪，亦有人因為某啲師傅所算嘅事唔準而嬲到震。 我聽完的感覺係，大家開始感到迷失，對前路亦開始有種恐懼，眼見前路係懸崖，但自己卻無能力去改變。所以，今次我想大家退一步並反思一個根本性的問題，「大家去搵人批命的意義究竟係咩？」
趨吉避凶、未雨綢繆、想知幾時結婚、幾時買到樓、幾時升職、幾時轉到工、幾時發達、可唔可以靠投機為生等等。 以上的問題，大家都會想從命理師傅身上得到答案，毋庸置疑。 呢刻，大家可以睇返你嗰位師傅給你的批書，或者回憶返佢所講嘅野， 令你印象最深刻最多得著嘅係邊一部份？ 如果你只係諗起年份、日子、時間，咁你過往所用嚟批命的錢，通通白費。 除了想洞悉先機 ，知道自己應該幾時進取幾時防守以外，你更加想知道的係 — 「有無方法解決」。 從我以前第一日開始學批命，我師傅已經強調，批命準固然重要；但作為師傅，我幫客批命最緊要嘅忠旨，係要提供到Solution。
其實大家要諗下，點解比人批完命你仲係覺得迷惘，點解要永無間斷搵唔同嘅師傅去批命，點解到呢一刻自己做決定時仲係咁猶豫不決，做事上嚟亦唔順心。答案有兩個原因。 第一，你嗰位師傅無料，我聽過亦見過唔同師傅的批書，有啲什至仲比我整的格式更靚及多元化。但發現裏面寫嘅，全部講命主八字身強弱五行欠乜應該多着咩顏色嘅衫褲、用咩物料的飾物。如果咁簡單嘅嘢就做到解決方案，咁唔需要風水命理師傅，教學Youtube都有齊哂。所謂嘅Solution,必須是針對性佈局，並非喺地下拎啲沙就塞比你當藥沖嚟飲。若果啲建議真係有用，你就唔會不斷搵唔同嘅師傅。
第二個可能性，成個面談過程你自己冇問過Solution，亦完全忽略咗其重要性。正如我一直所講，知道自己有病患，但你偏偏淨係坐係度等嗰日來臨而唔作出改變，咁當初你又為何選擇去求醫？又或者，你選擇無間斷睇唔同醫生，但最終配方係同一隻藥，你覺得會有效啲？ 你要做的，是尋找一名能提供針對性方案比你的醫生，而並非找一堆斷完症但提供唔到適合療程/叫你不停課金的所謂「師傅」。
若果你仍然對前路感到迷惘，不妨同我分享；你主動尋求協助，我亦願意伸出援手。不論前路有多少波折，總有 蘇捷 伴你而行。
「明得風水佈局，方能助你趨吉避凶。」
Instagram： https://www.instagram.com/sck.fengshui/
風水查詢及預約：68980163
_________________________________
風水 - 家居風水 辦公室風水 - 商舖風水
算命 - 流年 十年批
擇日 - 結婚 入伙 開張
改名 - 起命改名
占卜 - 文王卦 梅花心易
拜神修福 - 安神 開光
