亂讀新聞(三十)

亂讀新聞(三十)

2024年5月17日

1. 原來對上一次出呢個專欄已經係上個月，因為自己都幾忙，所以少咗寫新聞。當然我唔係唔寫，有時間我乜嘢專欄都會繼續寫下，不過身為Penana特約駐站作家，我都係寫小說為主，有時間先會寫其他專欄，請見諒。

2. 今日想講既呢一單新聞都幾爆，就係響英國曼徹斯特有一個女老師同咗兩個自己既學生上床，然後比人捉到，經過兩個星期既審訊之後，初陪審團裁定六條同細路有性活動既控罪罪成(我咁譯好似怪怪地，原文係sexual activity with a child，寫埋出黎比大家參考下)。

3. 呢個女老師Rebecca Joynes今年三十歲，原本響曼徹斯特一間中學入面教數學，響任教同埋被停職期間，先後同男孩A同B發生性行為。

4. 根據Manchester Evening News既報導，響2021年9月開學之後，佢就遇到A，而A都口花花撩下佢，女老師又真係比佢撩到，仲比咗個電話號碼要佢估，之後又同A去Trafford Centre度買名牌送比佢，後尾A仲去埋女老師屋企過夜兼發生埋性關係。

5. 之後A既媽咪發覺A並冇如A所言去咗佢朋友屋企瞓，關於A同女老師既傳言就傳開咗，之後女老師仲比學校停職同被捕。

6. 跟住B就出現喇，B透過Snapchat搵到女老師，女老師話自己本身拒絕既，但B係咁send requests，最後佢就接受咗，仲同B開始咗一段關係。最初佢哋拍拖都幾甜蜜，但後尾呢個女老師疑心太重(佢話因為之前一段9年既感情導致)，所以係咁check住B，驚佢搵其他女仔，甚至乎要佢send即時位置黎check行蹤。

7. 後尾佢哋有咗B既BB，阿B本身唔想要，但女老師都係生咗出黎，不過呢個時候就有警察就B既事件拉咗女老師，最後BB都比法庭頒令要take away from阿媽，一個星期淨係可以見三次。

8. B最初就好維護女老師，乜都唔肯同警察講，係同屋企人係咁傾傾傾之後先講返啲證供出黎。兩個受害人既父母旁聽既時候係咁喊。

9. 記者採訪咗唔少識得由細識得女老師既人，佢哋都形容女老師份人好怕醜內向，成日收埋自己，對於今次件事，佢哋都好震驚。

10. 上面係記者還原響法庭上面所述既案情，女老師雖然都話自己傻咗，唔應該對學生咁做，知道自己好錯，但佢就否認有同A發生性行為，同B都係響B過咗16歲之後先有性行為，不過呢個案情陪審團就唔接受，最後女老師就罪成。

11. 小說入面讀到既師生戀，通常都係好浪漫，但係響現實世界，成年人係要負責任，有道德枷鎖，尤其是牽涉到未成年人既性行為既時候，更加係會有埋法律責任，不論個成年人係男定係女。

12. 呢單新聞，其實真係好似做戲咁，但係個結局就係咁，女老師終究要負上法律責任，刑就仲未判，但睇怕都要洗定個八月十五坐監喇。

更多專欄內容︰ https://www.leafopenleafopen.com/unprofessional9up

更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio

#不專業專欄 #亂讀新聞 #英國新聞 #曼徹斯特新聞 #專欄 #時事 #時事專欄

#Manchestereveningnews #曼徹斯特 #曼城 #師生戀 #女老師 #現實版師生戀

廣告時間 -

ig: leafopen3

instagram.com/leafopen3

fb: leafopenleafopen

facebook.com/leafopenleafopen

方格子︰ https://vocus.cc/salon/leafopenleafopen

如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B

如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938