看戲

這世人我頭擺開錢去看戲! 干焦開兩百箍，遮是南投文化局有補助的活動，抱著輕鬆無壓力的心情，佮3个阮社區大學歌仔戲班的同學做伙來去看戲。

我真幸運坐佇樓跤第二排，算是誠倚舞台，邊仔就是VlP的位矣，但是我毋免坐VIP，彼 會予人壓力大，佇遮算頭前就袂bái矣! 這齣戲攏總有10台，佇第6台煞歇15分鐘，這時陣便所就排隊矣！下半場是這齣戲上好看的，歹人毋是死矣就是得到報應，主角到尾逐个攏有好結果，抑就是完滿的收煞。