【台北百萬遍】永康街醉生夢死（詩） 顏色歡欣跳舞

【華文】

【台文】

永康街醉生夢死（詩）色水歡喜跳舞

貓咪共伊的遭遇講煞，淺拖仔和店長頭垂垂，話講袂出來。

貓咪就共湯匙仔抾起來，起身離開，離開這間咖啡店，徛佇咧永康街細條巷仔內真僫揣的毋知啥物所在，雖罔這箍圍仔國內外的觀光客是洘秫秫，若無巷仔內的人𤆬路，你就揣無這間咖啡店。

淺拖仔毋知欲講啥，規氣用寫的，寫一塊詩送予伊：

命運的安排有伊的因端 是為著欲予你揣著幸福 有時陣，心肝頭袂得過 未來毋知按怎來落色 這个時陣，大膽徛起來 共家己當做彩筆 予色水歡喜跳舞

來跳舞，來跳舞 線條牽手來跳舞 真歡喜，歡喜甲 色水跳舞真歡喜 遮有我，遐有你 咱同齊歡喜跳舞 我牽你，你牽我 色水飽滇來跳舞

命運的圖有圓滿的安排 幸福的色水伊家己會來 有時陣，心開闊放予清 未來就知影按怎落色 這个時陣，大膽畫落去 共家己當做彩筆 人生跳舞真歡喜