一篇文摘
2020年8月26日 02：02
剛剛在面書睇到一則分享出來的明報文摘，有一位資深傳媒人摘文，標題係“不論去留 保存香港”。文中有就10點建議香港人可以做嘅事。離不開要保存香港固有文化，如廣東話係香港人既母語；香港制造就是香港制造…等等。難道筆者覺得香港文化會漸漸消失？
空穴來風未必無因，我哋有位局長，三番四次去整頓我哋香港現在嘅教育界，
例如：普通話先係母語，所以母語教學應是用普通話教學。咁我係文盲一個了。
又例如：取消DSE已考嘅考試題目；歷史、政治等敏感課題沒有學術討論間了。很多學者都會說人們要從歷史中學習錯誤，不要犯同一錯誤。照咁睇，你對落班人真係無用。
再例如：檢視及更改通識教科書內容；通識科，照字面解就要通通都識；但偏偏正苦就係要你乜都唔好識。
…等等，正苦開始著手進行思想改變教育。剛好音樂響起LMF嘅WTF，隨之而來係更激嘅W.T.F.H.K.，將我嘅心聲原原本本唱左出黎。
突然間想起那年？97將來臨時，曾經向父母提及過香港既將來會點，係咪應該離開。當年父母選擇留底，不想去做二等公民。我尊重他們的決定，所以留港發展。現在就好似個天畀多次機會我咁，我可以做多一次撰擇。
分享至
成為作者繼續創作的動力吧！
© 2024 vocus All rights reserved.