《Bandersnatch》│運命雙叉路？命運連回路？（1）

更新於 2025/08/05私密發佈閱讀時間約 26 分鐘

Tī《菅芒花的春天》這齣戲內底，女主角 ê 原型白冰冰 bat án-ne 講過：

「『命運』、『運命』？你較相信『命運』，a̍h-sī 相信『運命』？咱若是相信『命運』，咱 tio̍h-ài 認命，這世人，可能毋免 koh-chài siuⁿ 拍拚。自細漢，我就是相信『運命』，beh 用我 ka-kī ê 雙手，來運作我 ê 命。所以我一直，不斷 teh 拍拚。Iáu-m̄-koh 冥冥中，天公伯仔好-chhan-chhiūⁿ 為咱每一个人，攏有一條路 beh 予咱行。」

Boeh 講起 kah《Bandersnatch》相拄 ê 過程，話頭毋知短 ah 長？

講 tio̍h 這因-toaⁿ-起理，原起先是舊年做工課 ê 時，góa bat 特別聽講台灣有《咒》這齣電影 boeh tī 戲院放送；自彼陣 góa tiō 真 siōⁿ-boeh 知影這戲究竟 teh 演啥。一直到前一站仔讀 tio̍h 網路文章，看人寫講《咒》內底運用真 chōe chham 觀眾互動 ê 劇情，ná-chhiōⁿ kúi-lo̍h 冬前（2018）Netfilx 推出 ê 互動劇集《Black Mirror: Bandersnatch》仝款，góa tiō 隨 khī--lì Netfilx 體驗 khŏaⁿ 這齣《Bandersnatch》ê 互動劇情到底 seⁿ chòe 啥款？

咱敢有 hit-lō 才調掌握主角 ê「運命 destiny」？

《Bandersnatch》ê 主角 Stefan Butler, chhim-開始看起來是一个少年有為 ê 電腦遊戲設計師。故事 ùi 伊某一日 chái-khí 開始講起，in 老爸 Peter 食早頓 ê 時，看伊手頭有一本書，仝款號名 chòe《Bandersnatch》，tō 共 Stefan 問講最近 teh 無閒啥，sūn-sòa kā 問看早頓食牛奶 boeh 摻 sáⁿ？揀麥仔片 a̍h-sī 揀番麥仔片會得著無仝款 ê 結果，觀眾若無法度決定，也通放系統 ka-kī 替你揀，戲自動繼續搬。

替 Stefan 做決定 ê 時陣，咱一般攏會感覺，ka-kī nā-chhiōⁿ 有法度「運命」，毋過無的確咱 ê「命運」，早就予人（編劇？？有權力建構這个世界 ê 人？？）註好好，終其尾猶原無法度自由開創別條路。到 taⁿ góa 已經體驗過 kúi-lo̍h 種劇情路線。M̄-koh 有時間 góa chiah-koh 針對規齣戲 ta̍uh-ta̍uh-á 分析 kah 介紹。這改 góa siōⁿ-boeh chiông-thiô 共逐个選項攏總記起來，看 in 對應 ê 劇情 án-nóa 發展。

共一切交予系統（命運 fate）決定，啥款？

Chiū 咱這馬所知，佇《Bandersnatch》ê 世界內底，咱會當掠電-niáu-chhí sóa-tāng 游-phiau, a̍h-sī 佇手機仔頂頭直接以 chéng-thâu-á 共 boeh-愛 ê 選擇 chhi̍h--loeh. 不而過，若假使咱放手，tiām-tiām-á 看系統（命運 fate）展示 sòa--lo̍h--lâi ê 一切，咱會看見啥物？

故事愛 ùi 1984年 ê 彼一日講起……

"Relax, don't do it. When you want to go to it." 亂鐘仔響起這條歌，時間一目-nih 自 8:29 行來到 8:30 .《Bandersnatch》（Netfilx, 2018）

Hit-工是七月初九，Stefan 睏一-chhíⁿ--來，ná 喘氣 ná 將目睭 peh 予金。《Bandersnatch》（Netfilx, 2018）

伊起身共亂鐘仔 chhi̍h 予恬去，邊仔一本 chu 同齊 khǹg 佇櫥仔頂頭。《Bandersnatch》（Netfilx, 2018）

Stefan 人來到 e̍k-keng-á ê 鏡台前，鏡照 tio̍h 伊共藥矸仔 chūn 予開，掖兩粒藥丸 tī-leh 手面，隨共吞--loeh, 然後 àⁿ-腰 lo̍k-chhùi.《Bandersnatch》（Netfilx, 2018）

伊徛直了後，掠鏡中 ê ka-kī 金金相，chhùi-角 iá bak 一點仔水道頭 ê 水。這陣咱 iá-koh 毋知影為-chóaⁿ-iūⁿ Stefan 有食藥仔 ê 習慣。

Stefan 行去客廳，tn̄g-tio̍h in 老爸 Peter ùi 房間出來 boeh khian-mn̂g.《Bandersnatch》（Netfilx, 2018）

《Bandersnatch》（Netfilx, 2018）

Peter 問 hāu-siⁿ 敢 boeh 食早頓，Stefan 微微仔笑共應好，隨去飯桌彼爿坐。Tú-chiah iáu tī 眠床邊櫥仔頂 ê 冊，chín tī 伊 ê 手頭予伊掀，掀 kah in 老爸 khe̍h 一杯茶 khǹg tī Stefan ê 面頭前，伊 chham 一句多謝 mā bē-hiáng 應。

《Bandersnatch》（Netfilx, 2018）

「你愛對 góa 講啥？」聽 tio̍h in 爸 án-ne 共 thê-chhíⁿ, Stefan 才知影 ka-kī sioⁿ-過 chù-sîn teh 看冊。伊向老爸解說講 kiăⁿ 愛去電腦公司 Tuckersoft kah 頭家 Tucker 先生見面，正是有名 ê 遊戲設計師 Colin Ritman tòa ê 彼間公司；Stefan 這改目的是 boeh 向頭家 Tucker 展示伊 ka-kī 設計 ê 遊戲 demo, 這个 game 是根據伊手頭 ê 小說《Bandersnatch》落去改編，這本冊 mā sī Stefan in 媽媽留下 ê 遺物。

《Bandersnatch》是一款，予讀者自我選擇前途 ê 小說（a "Choose Your Own Adventure" book）。《Bandersnatch》（Netfilx, 2018）

Peter ná 聽 hāu-siⁿ 講 ná 噗薰，suh 無幾 chhùi 就共彼薰 jôe 予化去，共薰頭留 tī 薰屎觳仔（khok-á）內底。《Bandersnatch》（Netfilx, 2018）

《Bandersnatch》（Netfilx, 2018）

Peter 倚近共看，冊皮頂有寫作者 ê 名“Jerome F. Davies”. 伊叫是這本歹看，Stefan 才會共冊 liâm-mi péng 過來、liâm-mi péng 轉去頭前。毋過 Stefan 共解說，因為《Bandersnatch》是一款，予讀者自我選擇前途 ê 小說，「Chòe 你決定角色 koh-lâi boeh 創 siáⁿ-mi̍h」，毋才愛 án-ne 看故事 án-ná 發展。Peter ná-chhiōⁿ 無 chim-chiok 聽，隨 koh 起身去灶跤 khe̍h 二盒仔麥穀款 ê 早頓，愛 Stefan 揀一項。

SUGAR PUFFS？ FROSTIES？

[Peter] "Both seem a bit kiddywink to me, but you will insist."《Bandersnatch》（Netfilx, 2018）

Which Cereal ? 1-L Quaker Sugar Puffs

頭一項愛做 ê 選擇，系統這改揀 ê 是「麥仔片」。

Quaker Sugar Puffs.《Bandersnatch》（Netfilx, 2018）

無的確有人講，每一日咱目睭擘予金，就是不斷 teh 做選擇；大細項代誌 tio̍h 攏愛操煩，準講 chhiōⁿ 早頓 boeh 食啥嘛仝款。聽來真有哲理，m̄-koh 頭一題愛你揀一項麥穀 chòe 早頓，是因為後面有安排別項機關。在此 gún 先莫講明，等待時機到才來破解。

[Peter] The bloody hound from next door.《Bandersnatch》（Netfilx, 2018）

Kāng 這个時間 ê kāng 這个時陣，窗仔門外有狗仔 teh 吠，彼是厝邊走來一隻 gâu phīⁿ tio̍h hoeh-味 ê la̍h-犬。伊 tng-leh 用手爪 ku̍t 花園 ê 塗，予 Peter 聽 tio̍h 聲音傳來，隨行倚窗邊 ná 敲玻璃窗仔，ná 嫌彼隻惡犬哪毋緊 soan.

[Peter] Be the death of us.《Bandersnatch》（Netfilx, 2018）

無 gōa 久 Stefan 出門坐 bá-suh. 伊 tī 車內掛耳機，手提兩塊灌錄 ê 錄音帶 teh 躊躇，毋知 boeh 聽 tó 一團 ê 唱片？

• THOMPSON TWINS？ NOW 2？《Bandersnatch》（Netfilx, 2018）

Which Tape ? 2-L Thompson Twins

第二項選擇，系統揀 ê 是「Thompson 雙生仔樂團」。

《Bandersnatch》（Netfilx, 2018）

伊共 Thompson Twins 彼塊“Hold Me Now”ê 唱帶鬥入去錄音機內底播送，ná 聽 ná 望向 bá-suh 窗外，窗仔 ná-chhiōⁿ 一面鏡，照出 Stefan 一雙形影。公車外小雨 tng-leh 落，有雨水滴，這个時陣 in 經過一塊 khăm-páng,

頂頭原底寫「matey」，下跤 koh 有人用烏漆噴字「No future」。《Bandersnatch》（Netfilx, 2018）

Góa koh 一擺 chim-chiok 共看 ê 時，有影規个人起雞母皮！無的確 tiàm 這个坎站，in 已經向 gún 暗示，雙叉路 tn̄g-tio̍h kúi-lo̍h 擺，無論咱 án-nóa 選，揀 tó 一條路攏無法度共 Stefan ín-chhōa 向有 hi-bōng、有成就 ê 未來。

《Bandersnatch》（Netfilx, 2018）

Stefan chín 就徛 tī-leh Tuckersoft 樓跤 ê 外口，攑頭看青天白雲，懸懸 ê 企業大樓 chhāi tī 眼前。

伊 tú-á 才入辦公室 ê 門爾爾，無 gōa 久就 tn̄g-tio̍h 頭家 Tucker 行出來。

Colin ê 新作《METL HEDD》。《Bandersnatch》（Netfilx, 2018）

Tucker 向 Stefan 解說講，in 公司拜一才 tú-á 搬來遮，毋才看起來 án-ne 規間亂操操。伊望 Tuckersoft 成做電腦 giàn-muh 頭等 ê 製作工場；就 ná-chhiōⁿ 一粒種子 tua hŏng 栽入 ku̍t 予鬆鬆 ê 塗，釘根、puh-穎，貯 tī 大跤 koh 闊 ê 花盆；枝葉自由 siⁿ-thòaⁿ 發展，有个部位吸收水 kah 養份，有个部位曝 tio̍h 軟軟 ê 日頭光，ah-nā 有个吐出植物芬芳 ê 空氣，總有一日 hoat kah 媠 koh 大欉。

Colin 本人就坐 tàm 遐設計遊戲。《Bandersnatch》（Netfilx, 2018）

一蕊花、一欉樹 boeh siⁿ-chòe 好樣，也著愛有健康 ê 青葉；可比 Tuckersoft 需要 Colin Ritman 這範 ê 棟樑才。

Colin 倒手運作 chhi̍h 齒盤，正手拈一節短短、手工捲 ê 薰草。伊表示內底含 hoan-bo̍k-pih-素（Strychnine），毋知是論真講 a̍h-sī teh 滾耍笑。《Bandersnatch》（Netfilx, 2018）

Stefan 看 Colin 本人 chín 就坐 tàm 遐設計遊戲，險險仔暢 kah 毋知影人，對頭家展講 Colin 逐項 giàn-muh 伊攏 bat 耍過。Tuchker 聽 tio̍h, 隨共 Stefan khiú 去引薦予 Colin 熟似。

Kajagoogoo ? [Tuchker laughs] 《Bandersnatch》（Netfilx, 2018）

「聽你 leh 講。」Colin án-ne 共頭家應，看起來私底下是誠有個性 ê 人。伊共薰捲點予 to̍h, ná 聽 Tucker 介紹 Stefan.

[lighter clicks.] 《Bandersnatch》（Netfilx, 2018）

[Tucker] Anyway, this is Stefan, er… 《Bandersnatch》（Netfilx, 2018）

[Stefan] Butler, Butler. 《Bandersnatch》（Netfilx, 2018）

Stefan 伸手 boeh kah Colin 握手。「I'm Colin.」，這是 in 兩个頭一改見面。

《Bandersnatch》（Netfilx, 2018）

Stefan koh 一改對 Colin 表示對伊 ê 尊敬；不過 in 兜無 Commondore-電腦，除了 kah Commondore 相容 ê giàn-muh, 伊無機會買來耍掠外，只要 Colin 設計 ê 遊戲，Stefan 攏 bat 耍過。

《Bandersnatch》（Netfilx, 2018）

Colin 呵咾講 Commondore ê 音效卡功能 chiâⁿ 讚，sūn-sòa 展示伊 tng-leh 做 ê 作品。

Nohzdyve.《Bandersnatch》（Netfilx, 2018）

若以 2020s ê 眼光來看，凡勢會感覺，啊這就一隻 giàn-muh 內底 ê 尪仔人，自走馬樓 chòe 起頭跳--loeh 直直落；咱 chhi̍h 齒盤控制伊左右 siám-phiah, 食「目睭」來著分；ah-nā tn̄g-tio̍h 妖怪 a̍h-sī 挵 tio̍h 兩爿樓仔厝 ê 壁，就會失分或者講 game over. 這 a̍h 無 saⁿ-mah-貨，毋過對 1980s 彼代 ê 人來講，電腦有 chē-chē 豐富 ê 色水，角色死去會 koh-chài 復活，不斷 tī 遊戲 ê 世界內底輪迴，án-ne 就 chiâⁿ 奇巧--loh.

Nohzdyve.《Bandersnatch》（Netfilx, 2018）

[Stefan] The sprites are so smooth. [Colin] That took some doing. 《Bandersnatch》（Netfilx, 2018）

當然，chún-kóng chhiōⁿ Colin 這範 ê 人才，做代誌 mā 可能 têng-tâⁿ--去。《Nohzdyve》teh 走無 gōa 久，隨害電腦 siò͘-tò͘ tú-tio̍h 故障。

[Colin] OH, bollocks. [Tucker] What's that ? 《Bandersnatch》（Netfilx, 2018）

[Colin] It's a buffer error. The eyeballs overrun the video memory --

伊講這是電腦疏通影像資訊出差錯，「精靈圖」害這个影像記憶體超載--去。Tucker 無予 Colin 繼續解說，koh sòa-lo̍h-khì in 三个同齊來看 Stefan chah ê《Bandersnatch》săm-phú-luh.

[Tucker] So it's like 3D Monster Maze ? 《Bandersnatch》（Netfilx, 2018）

[Stefan] Only when you're moving from chioce to chioce. It's an adventure game.

[Tucker] Like The Hobbit ? Without any typing ? So no“get lamp”or whatever ?

Pax. 《Bandersnatch》（Netfilx, 2018）

[Stefan] Chioces come up on the screen and you pick one against the clock.

[Stefan] - Ok, he's Pax, he's the demon. He's in the book. 《Bandersnatch》（Netfilx, 2018）

[Stefan] - So we've actually arrived at a chioce point. And then you can choose with the joystick. You've got ten seconds.

[Colin] Worship him.

[Stefan] No, don't do that, he's the Thief of Destiny ….
in the book, I mean.

[Colin] Got a copy of this at home. Never got around to reading it. 《Bandersnatch》（Netfilx, 2018）

Chim-chiok 聽會智覺講 Colin 表示伊較早 m̄-bat 讀過《Bandersnatch》這本小說，而且 hit-時伊 ê 手頭，除了 Stefan chah ê hit-本《Bandersnatch》，無提別項物件。

Tucker 共 joystick chióⁿ--來。《Bandersnatch》（Netfilx, 2018）

Tucker 趁 Colin kah Stefan 兩个人 leh 討論，原著作者 Jerome. F. Davies ê 才情 kah 爭議 ê 時陣，共 joystick chióⁿ--來。

Tucker 揀 "WORSHIP PAX". 《Bandersnatch》（Netfilx, 2018）

Siōⁿ-bōe-kàu 這條路到 taⁿ 為止是死路，因為 Stefan iá m̄-bat 替「敬拜 Pax」（WORSHIP PAX）編寫以後 ê 劇情。

[Stefan] Well, I haven't programmed that pathway yet. [Tucker] Lot of paths then ?《Bandersnatch》（Netfilx, 2018）

[Stefan] Well, yeah, if it's going to be like the book.

Stefan 展現伊 ê 企圖心，Tucker 嘛對這項 giàn-muh 真有趣味。伊向 Stefan 講明 ka-kī ê 計畫，chín 是七月，in 若 boeh 趁十二月耶誕 ê 時機上市，十一月著愛共完工 ê《Bandersnatch》送去交予 Smiths. 就看 Stefan 敢有 siōⁿ-boeh 入來辦公室 kah 人鬥陣組隊，編寫這个 giàn-muh.

ACCEPT？ REFUSE ？

Job Offer 3-L ACCEPT

系統替 Stefan 決定入來 Tuckersoft 共《Bandersnatch》完成。

[Stefan] Yes. 《Bandersnatch》（Netfilx, 2018）

[Tucker] Ok, so the first thing we need to do is streamline the project a little. We can't fit a breeze block of a book into 48K.

《Bandersnatch》（Netfilx, 2018）

想袂到 Tucker 這時提議講，in 著愛篩選一寡內容才改編 khǹg 入去 giàn-muh 內底，無法度 chhiōⁿ Stefan 所向望--ê 重現規本冊 ê 深度 kah 厚度。

《Bandersnatch》（Netfilx, 2018）

[Tucker] Happy birthday to me. 《Bandersnatch》（Netfilx, 2018）

Stefan 看 Tucker chia 歡喜--tio̍h, 嘛無機會 koh 爭取啥。Colin 起身共 Stefan 安慰，毋過伊講一句予人起雞母皮 ê 話：

《Bandersnatch》（Netfilx, 2018）

[Colin] Sorry, mate. Wrong path.

《Bandersnatch》（Netfilx, 2018）

〔Five months later〕

[woman on TV]
The next game under our Christmas spotlight is Bandersnatch, in which the player navigates a shifting timeline of parallel realities, based on the book of the same name by Jerome F. Davies.

《Bandersnatch》（Netfilx, 2018）

[Leslie] Did it "snatch" your respect ? 《Bandersnatch》（Netfilx, 2018）

[Robin]
I'm afraid not, Leslie, for the simple reason that it's just way too short. It's over before it's even begun. This is the one of the first team-created games from Tuckersoft, and I think that's given it a very designed-by-committee feel, almost like they just rushed out the simplest, quickest cash-in the could. What they should've done is just gone right back to the start and tried again.

[Leslie] And your verdict ?

《Bandersnatch》（Netfilx, 2018）

[Robin] No stars out of five. Terrible.

五個月後，《Bandersnatch》上市發行--ah. Stefan kah in 老爸 Peter tàm 厝同齊坐 teh 膨椅頂頭，看電視節目 ê 主持人 án-nóa 看待這个 giàn-muh. 因為 tong-chhoe-sî 頭家 Tucker 無允准，致使 Stefan 無時間好好仔發揮伊 ê 才情起造《Bandersnatch》ê 世界。Lo̍h-bóe 伊行 tùi 一條前程暗淡不明 ê 路途，chham 一粒 chhiⁿ 🌟 to 無。