有無

舊年三級警戒ê時陣，洗衫機雄雄煞袂振袂動，阮翁kah按怎修理嘛毋肯閣行，正式佇阮面頭前棄世囉！

誰知厝破閣拄摔大雨，彼陣中和疫情當熱，蹛隔壁ê永和嘛有代誌，網路購物平台攏特別寫明：「暫時無欲送中和永和地區。」只好冒險出門，感受一下仔冷冷清清ê街路，直接去經銷商遐買。無，嘛無啥要緊，現代社會買物件真利便，這條路袂通，換捌條就是矣！

今年無三級，有警戒。阮兩个老ê確診矣。

朋友關心厝裡有食食無，我攏笑笑請𪜶安心，我有冰箱、冷凍櫃，不時嘛窒甲滇滇滇，干焦驚關佇厝裡七工會食甲變『卡門』。毋過，囂俳無落魄ê久，第二工gá-suh爐開始喘大氣，火欲著毋著，攏愛捘幾若擺才有火，無就是，點無偌久就熄去。到暗時就袂癮閣再振動矣！算算咧，伊嘛服務阮全家伙仔十八冬囉，好通予伊歇睏囉！佇網路購物平台買好，約出關了後才送貨安裝。總算，無嘛變有矣！

啊......無gá-suh爐這幾工咧？佳哉現代蓋先進，猶閣有電鍋、電子鍋、微波爐、氣炸鍋、烤箱，閣撨出一臺毋知當時送ê電火爐，按呢，顛倒傷濟矣！我煮食無啥愛用頭殼，攏是用本能，遮爾仔濟予我揀，顛倒會愣佇遐，毋知欲tuì佗位開始才好。

人總是怨無，無怨濟，現代人是毋是較貪心，開始怨濟起來囉？這兩冬ê疫情嘛是如此。

【華語】

有無

去年三級警戒時，洗衣機突然有一天就不動了，老爺怎麼修理，他也再不肯向前走一步了，正式在我們面前離世！

誰知屋子破還又遇到大風雨，那時中和是疫情熱區，隔壁的永和也要一同嘗苦果，網路購物平台都特別註明：「暫時不送中、永和地區。」只好冒險出門，感受一下冷冷清清的街道，直接去經銷商那裡買。沒有的時候，也沒什麼要緊的，現代社會買東西方便得很！這條購物路不通，換別條也就通了！

今年沒三級，還是警戒。因為我們兩個老的確診了。

朋友關心家裡有沒有食物，我都笑笑請他們安心，我有冰箱、冷凍櫃，常常也讓我塞得飽飽飽，只怕關在家裡七天會吃到變卡門。不過，太早神氣是會遭天譴的，第二天瓦斯爐開始喘大氣，火要點不點，都得轉上好幾回才點著火，不然就是，火點著沒多久就熄去。到晚上就正式熄火，不願再有任何喘氣聲了！算一算，它也服務我們全家十八年囉，也是它該退休的年紀到了！在網路購物平台買好，約好出關後才送貨安裝。總算，再一次經歷從無到有！

啊......沒瓦斯爐這幾天咧？幸好現代非常文明，家裡還有電鍋、電子鍋、微波爐、氣炸鍋、烤箱，不但這樣，我還找出一臺不知什麼時候送的電爐，就這樣，一字排開，我是廚房電器大富翁了！不過我煮東西不太用腦，都是用本能，這麼多電器像妃子一般讓我翻牌挑選，反而常常杵在現場，不知道該從哪裡開始才好。

對於「擁有」，人總是埋怨沒有的時候，沒人會埋怨多。現代人是不是比較貪婪，開始埋怨起多來囉？這兩年的疫情好像也是如此。